櫻羽居

营业中

休息中

有阵时想系食外卖寿司嘅话都会去呢一间铺头买，佢哋有Pack好晒嘅寿司亦都可以逐件买，咁今次我哋就买咗两Pack包好咗嘅寿司。铺头嘅冻柜都够温度，起码寿司上面唔会见到有水气，除咗寿司之外仲有刺身拣，咁今次我哋净系买咗寿司冇买到刺身。今次买嘅寿司价钱都系平均$5至＄6件，有两大盒，理单$123，质素都可以接受，第一次试佢嘅鲭鱼寿司，因为烧过嘅关系，唔会太腥，其他寿司嘅味道都可接受，当然唔会有堂食寿司咁新鲜，但价钱上又会抵d。今次我哋两个都唔系太饱，下次真系要买多盒刺身先得。不得不提的是，佢哋嘅Wasabi系非常之辛辣，第一次食嘅时候寿司上沾上少少Wasabi已经辣到飞起，所以食嘅时候要小心。