辣辣屋

营业中

休息中

食过几次今次终于记得影相，难得影咗相就写埋食后感先。今日食花胶鸡汤饭，补充下啲骨胶原！啲鸡唔错，肉质嫩滑。都几多花胶，饮埋啲汤，真系有粘住咀唇㗎！个汤几好味，唔会过咸，我觉得系冇味精嘅，不知不觉饮到落底添。咖哩吉列猪扒饭，有日式感觉，个猪扒上面加左啲红姜，紫菜丝。啲咖哩感觉上都系用日式咖哩砖，唔辣，微甜。块扒好大块，男士都够饱！听讲咖啡系必试，所以黎亲都系饮啡。确实系比同类茶记冲得好饮嘅，走甜都唔会话太酸太涩。觉得佢哋几有heart，食物种类繁多，食过几次都仲系有新意！会再嚟食！