老川皇

营业中

休息中

老婆话想食辣野，带左我去油麻地果间老川皇。地点唔易揾，好易行过龙，唔系佢带我去都未必揾得到。上到去，虽然环境一般，但大姐们好热情地招呼，别有一番风味。食物选择非常多，但老婆大人早有target! 我地两个人共点左一凉粉一鸡一串烧一鱼一茄子。凉粉真系好凉，加分。凉粉切到薄一薄，质地爽滑，有料到！上面那酱汁酸酸甜甜带微辣，好醒胃。但佢个后劲都几凌厉，慢慢辣味先上返喉咙，要小心。口水鸡冻上，好爽滑。鸡件好多好足料。鸡肉腌制方法讲究，保留到鲜味。酱汁依旧酸辣为主，但口水鸡甜味会重小小。羊肉串烧相对比较失色，火侯过左比较干，但调味本来做得不错。铁板茄子真系铁板上，热辣辣香味涌过黎。茄子彻底烧熟，可以轻易夹开，入口软绵绵。酱汁杰杰地，有少少肉碎，沾满原条茄子，口感一流。水煮鱼先系重头戏，绝对出色。水煮鱼一斤起，非常足料，鱼肉唔系浅赏，系食极都有。鱼肉够滑，新鲜有鱼味。汤底够辣，十分惹味，辣中仲带有一点酸、一点香、同一点麻，层次十分丰富。而且佢地既制作十分认真有诚意，因为缺货，店员仲特登出去买花椒添。整体黎讲，野食选择多，功夫到家。当中水煮鱼确系诚意之作。价钱亦唔贵，两个人食到要打包，都系四百蚊松d