碗碗香 (已結業)

每星期点都要有返几日食辣野，今个星期日就去咗呢间碗碗香。之前无意中喺OpenRice search到呢间四川贵州辣辣粉，就去试一试啦。上一次试咗红烧牛肉粉，原本系想叫牛肉面嘅，店长一听到我哋想叫牛肉面就极力推介呢度嘅牛肉粉，佢话㖞，呢度嘅粉系你出边食唔到嘅好滑架试吓啦！一试冇死嘅，就好爽快叫咗红烧牛肉粉啦！点知原来呢间嘅红烧牛肉粉系唔辣嘅所以就有啲失望。所以今次再嚟就要试一试个红油牛肉粉。红油牛肉粉（中辣）呢度嘅红油牛肉粉汤底调得几好，唔太咸，好香，好够麻辣。牛肉粒方面好足料，一碗大概都有成六至八粒，炆得好入味，好林，真系几唔错。但系不足嘅系，厨房阿姐唔知听左边个人嘅意见，啲粉煮到冇上一次咁滑，仲半生熟。想食死人咩。啲粉一啲就煮到原本咁滑，一啲就未煮熟，硬柴柴。谂住硬𠮶啲浸一浸都林啦，点知世事边有咁简单。半碗都系半生熟。。。。希望老板识醒目啦⋯⋯希望下次去食唔会咁啦，难得个汤底几好味。