影片
更多
2012-06-16
208 浏览
经过乐道，唔系咁肚饿入咗呢间叫潮发嘅面店，睇咗一轮餐牌，见啲嘢食都唔平，一碗面拣两种𩠌要＄４０，最终叫咗一碗牛腩面$３０，面冇乜枧水味，牛腩入味，唔靭，仲有一、两旧细细嘅牛根，亦系好够淋，唔错。食食吓之际周围望吓墙上啲介绍，见到我嘅至爱酸菜，但要$20一碟，仲要惠顾任何粉面至可以叫，心谂一碟配菜够胆收人咁贵，就即管睇吓系咪真系咁巴闭。辣酸菜上枱，细细嘅一碟，有少少水浸住，唔会干争争，似系有落过功夫，唔系就咁'毕"啲酸菜上碟就收人廿蚊。酸菜上面有啲葱，入面混有辣椒段，有啲啲嘅蒜粒，有零零碎碎十数粒嘅肥猪肉碎。放入口嘞，WHAO！ 好食㖞，啲酸菜口感爽脆，个味酸中带甜（最怕一味得个酸字嘅酸菜），之后辣味开始刺激味蕾，再嚟就会食到啲蒜喺度整古做怪，整体食落有层次，「酸」抢唔到「甜」，「甜」又唔会中和哂啲「辣」，味道攞到个平衡，虽然食到尾声已经辣到标哂汗，但绝对唔系食辣椒𠮶只死辣。只会愈食愈想食，好味，绝对会再食！推介俾所有钟意食餐前酸菜呀、酸青瓜呀、泡菜呀、酸萝卜呀、西餐嘅pickle呀、炸菜呀、菜圃之类腌菜嘅人。但记得带纸巾抺汗
张贴
