潤一潤甜品屋

营业中

休息中

唔少餐厅因为农历新年而休息，就连自己一直都想试嘅陈公馆都唔例外😣，所以沿路揾其他甜品店，最后嚟到呢间农历年期收加一嘅糖水舖。桂花绿豆仙草配芋薯双圆$49普通仙草都会配红豆，但小店就配绿豆，两款属性都偏凉，一定好下火😂不过，其实唔驶担心会凉过头，因为仙草好细旧😐食落几滑，但偏甜。绿豆沙加入海带丝同埋我最爱嘅臭草。芋圆三色口感烟韧，但食唔出芋/地瓜味。黑芝麻汤圆有三小粒，芝麻味浓，甜度可接受。另外仲有旧芋头同鸡蛋黄，用料丰富。热喳咋$22由于屋企人唔中意椰奶，所以拣左加花奶。喳咋质地杰身，但唔系因为豆爆开嘅沙沙口感，而系店家加左西米，西米嘅淀粉令喳咋变杰，食落似埋左芡，我地麻麻地呢个质地😶。杨枝甘露$35小店用上大西粒，食落几有口味，整体味道正常，但由于最近喺粉岭联和墟食左一碗几高质嘅杨枝甘露，比较之下呢个有少少逊色。牛奶桃胶椰皇炖奶$49斋睇个名都觉得好滋补😏炖奶啱啱熟，好滑溜，奶味唔算好浓，甜度适中，我见好几位食客都点佢。