影片
更多
2022-09-22
593 浏览
打边炉都有omakase!? 一定要试一试佢啦。除左火锅，仲主打酒、牛同音乐，听到依度已经唔可以唔去喇！由于本身位置唔算好多，而且依家都系极火红，基本上只可以后补Booking，食到食唔到完全靠彩数。Book位既时候已经订左海鲜同牛肉，点解叫Omakase，就系当日有咩新鲜就比咩你，牛既边个部位正就比边个部位你，完全系由佢发办！依个汤底都系要预订既，因为每日煲到黎卖既份量有限，所以唔订就唔会有，先饮汤，饮完再加汤打边炉。汤底一饮就知道系老火靓汤，而且唔会饮到味精既原味靓汤，猪骨同蚬都相当足料，就黎跌出黎咁济。蚬肉唔会太老，但汤又饮到底层有淡淡蚬味，似系汤底本身有用蚬煲，上枱之前再加新鲜蚬肉。一黎就会有介绍环节，介绍你订左扇牯牛皇今日系咩，另外如果想追加老兰嫩牛四并又会有咩选择，会系唔同既部位。我地4个人去食，先食左扇牯牛皇，入面已经有4个部位，每个部位每人2至3块左右啦。未食过扇牯牛，只系听过牛味会浓好多，果然一食同普通牛系有差别，一块牛肉好似食紧牛扒咁，果种浓郁既香气系唔可以系普通牛体会到既，而且每块都香嫩无比，一啲都唔韧，但又唔会食到松肉粉既味道。食过之后就返唔到转头，由于有少少唔
招牌猪骨蚬煲
10 浏览
1 赞好
0 留言
依个汤底都系要预订既，因为每日煲到黎卖既份量有限，所以唔订就唔会有，先饮汤，饮完再加汤打边炉。汤底一饮就知道系老火靓汤，而且唔会饮到味精既原味靓汤，猪骨同蚬都相当足料，就黎跌出黎咁济。蚬肉唔会太老，但汤又饮到底层有淡淡蚬味，似系汤底本身有用蚬煲，上枱之前再加新鲜蚬肉。
一黎就会有介绍环节，介绍你订左扇牯牛皇今日系咩，另外如果想追加老兰嫩牛四并又会有咩选择，会系唔同既部位。我地4个人去食，先食左扇牯牛皇，入面已经有4个部位，每个部位每人2至3块左右啦。未食过扇牯牛，只系听过牛味会浓好多，果然一食同普通牛系有差别，一块牛肉好似食紧牛扒咁，果种浓郁既香气系唔可以系普通牛体会到既，而且每块都香嫩无比，一啲都唔韧，但又唔会食到松肉粉既味道。食过之后就返唔到转头，由于有少少唔够喉，所以就补多左个老兰嫩牛四并。同样4个部位，同样每人2至3块，其实佢都好好食，比起出面叫既牛级数真系差得远，但讲令人震惊既程度都系扇牯牛皇更胜一筹。不过既然主打牛肉，只要黎到都系2只食晒嫁喇，一定唔会后悔！
◍ 涮羊肉片 ◍
足够既羊味，而且完全唔臊，嫩滑程度只比扇牯牛低一级，都系高质之选，份量上同牛差唔多，但就冇分部位咁讲究。平时怕食羊既人都可以试下，唔敢包你一定接受，但如果依个都接受唔到，相信你感受唔到食羊既乐趣。
只要打边炉就不能没有午餐肉，依个系一代伟人既名言，好似系。炸得脆之余，又唔会㶶，入面亦相当软熟，而且唔同出面既午餐肉，佢仲可以就咁食，唔一定要放汤。你会话午餐肉可以有咩咁特别，但系就咁开一罐切比你，同炸过，炸得好就可以睇得出店家既用心。
次次食任何野都好少会影漏既，今次老板其实有请食一碟肉，佢都讲到明系啲边边角角，不过正常都会影相，点解今次冇？完全系因为个气氛！音乐既共呜，客人与客人间既互动，个个伙记都拎酒周围去同啲客人饮，成个气氛似系酒吧多过似系餐厅。兰桂芳五花百门既新餐厅，间间都讲求IGable，依间珍姐就装修到成间地痞茶餐厅咁，点解都可以full成咁？除左野食好食，气氛真系好可以影响到件事。珍姐系少数去完，马上就plan下次食既日子，真系好想再浸淫系珍姐既美食同气氛之中。
张贴
