扒王之王 (已結業)

平安夜，老婆话想食西餐，于是就去左沥源邨的全港最后一间的扒王之王，因之前食过都觉得几好。一去到，见到客人比平时多，而现场亦好有圣诞气氛，侍应都好好招呼。一坐下，就派左两份圣诞节礼物，有圣诞帽，吹bb，真系好窝心。平安夜，冇左平日既餐，只有特定圣诞大餐，于是就点左两份肉眼五成熟再加多份小食焗田螺。龙虾汤味浓又唔咸，好好饮。头盘杂菜沙律配火鸡丝，味道较得好match。小食田螺好香，肉质唔硬，配埋薯蓉食真系一流。主菜上场，五成熟牛肉好有牛味，唔难切，煎得恰到好处，最后还有甜品芝士蛋糕。总结就系好食，好坐，过左一个warm既平安夜。希望全港最后呢间扒王之王可以继续经营下去。