周記醬料

营业中

休息中

如果钟意食烧卖嘅人，最近一定有听过呢间周记酱料出嘅烧卖，我之前都睇咗唔少嘅Foodie同埋YouTube推介，搞到我心思思一定要过嚟试吓！听啲人讲佢卖晒就会收舖，今次特登拣咗平日嚟，去到果然冇乜人排队好快就到我，我就买咗$20/10粒烧卖，当然要加埋大家都推介嘅招牌辣油。正当我满心欢喜食落口之际，第一啖已经觉得个质地好奇怪，有少少似细个用𠮶啲浆糊，佢又唔系烟靭，但系都叫做有咬口。不过食落完全冇鱼味，而且本身粒烧卖已经好饱肚，再加埋啲豉油真系好油腻，食到一半其实已经顶唔顺觉得好滞。但话晒远道而来，最后都食晒10粒，不过对我嚟讲下次应该唔会再食，同埋个豉油同辣油除左真系好油之外其实都冇乜特别，我个人都系偏烟靭实净嘅烧卖多啲。