四季文昌 (已結業)

虽然过咗十五，继续有团拜活动。朋友订左呢间餐厅，一行11人食椰子鸡煲。比左间房我地。我最后一个到，一去到成台野食。😍😍😍新年流流梗系要捞起，叫左份<黄金捞起>一齐捞起。（味道冇特别，纯粹攞个意头👏🏻）攞星星位⭐⭐🍲竹笙椰子鸡煲汤底首先要赞，就系椰子🥥火锅汤底。好清甜，椰子有椰子味🤣🤣🤣（唔似沟水）。鸡肉好嫩滑，完全唔会鞋飒飒。🐮打边炉边少得肥牛/牛肉，叫左份手切牛肉： 好新鲜，有牛肉味。正！！！值得试！🌱韭菜饺，觉得似系自己包。渌完啲韭菜仲好青绿，好香韭菜味。🐟鲩鱼片，本身唔钟意食鱼嘅我，都试咗。几滑，无腥味 🥗蔬菜篮，都好新鲜。特别欣赏佢个油麦菜，好嫩。系椰子汤底渌完出嚟原来系好鲜甜最后我哋叫咗个2个椰子雪糕试吓，老实说冇咩特别。只系雪糕入面有啲椰子肉。整睇食物方面都唔错新鲜，员工服务态度都几好。只系坐喺房入面比较难叫侍应落单。同埋唔知系咪太多人，个冷气唔系好够。