漁之部屋 (已結業)

将军澳，平时真系唔多会嚟，今日约咗frd踏单车先嚟，真系攰到无朋友。唔得，我哋要食餐劲嘅，保返啲energy! 要食得多嘢，就梗系食食放题啦! 就嚟咗渔之部屋，怒食! 好彩唔系好多人，Walk In等咗15分钟就有位!  放题就梗系食刺身啦，我哋4个人总共叫咗60只虾，真系好夸张! 啲刺身真系劲新鲜，冻冰冰，又够肥美。另一个朋友就怒食蟹脚，大大只，好多蟹肉，真系正。另外，寿司都有好种选择，炙烧系列无得弹。炙烧三文鱼好香，好肥味。串烧都值得推介，呢个蕃薯串，粒粒都系紫心，好甜呀。 另一正嘢，就系牛油粟米，铁板上，热辣辣，好香牛油味，我哋食完一碟，再叫多一碟，因为真系太正啦。食咗咁多嘢，饮返支椰青水，消消脂。总括嚟讲，呢到比平时坊间嘅放题质素更高。下次嚟将军澳都可以encore。