影片
更多
2021-02-11
2932 浏览
有一日，我有个朋友话约咗去呢间餐厅，点知佢朋友唔舒服，问我去唔去，咁我实梗系话去啦，听讲都好难book。事前睇咗Menu，去到好快就决定食乜嘢。之前去过台湾食过RAW之后，我认为食呢类型嘅餐，唔配wine pairing 会感受少好多嘢。所以我就选择咗Weekly tasting menu嘅Wagyu。一坐低佢就送上佢自家制嘅餐包，我食到里便好似有啲海苔嘅味道，牛油分别有白味噌配芝士同埋酱油味。我个人觉得味道比较一般，唔系好啱我口味但系好食嘅。之后，侍应送上finger food，系一个脆脆上面放咗啲饭同海苔粉，最顶上面再加一粒八爪鱼同落左啲醋。我觉得啲醋嘅味道同啲海苔嘅味道夹埋一齐有啲奇奇怪怪嘅感觉，可以话呢一个finger food，系全餐最奇怪嘅一道菜。之后就送上four course meal嘅第一道菜，saba。当店员介绍，上面嘅鲭鱼同埋用日式高汤(即出汁) 做个汁，再配上蕃茄。我就知道厨师想透过唔同种类谷氨酸嘅来源组成呢一度菜，充满住旨味(umami)。蕃茄里边仲有少少芥辣，酸味之外再配上啲小小嘅辣味，识落好开胃亦都味觉上有适当嘅刺激。配上呢一度菜嘅系一杯好出名嘅日本酒，黑
事前睇咗Menu，去到好快就决定食乜嘢。之前去过台湾食过RAW之后，我认为食呢类型嘅餐，唔配wine pairing 会感受少好多嘢。
所以我就选择咗Weekly tasting menu嘅Wagyu。
一坐低佢就送上佢自家制嘅餐包，我食到里便好似有啲海苔嘅味道，牛油分别有白味噌配芝士同埋酱油味。我个人觉得味道比较一般，唔系好啱我口味但系好食嘅。
餐前包
31 浏览
2 赞好
0 留言
之后，侍应送上finger food，系一个脆脆上面放咗啲饭同海苔粉，最顶上面再加一粒八爪鱼同落左啲醋。我觉得啲醋嘅味道同啲海苔嘅味道夹埋一齐有啲奇奇怪怪嘅感觉，可以话呢一个finger food，系全餐最奇怪嘅一道菜。
Finger food
36 浏览
0 赞好
0 留言
之后就送上four course meal嘅第一道菜，saba。当店员介绍，上面嘅鲭鱼同埋用日式高汤(即出汁) 做个汁，再配上蕃茄。我就知道厨师想透过唔同种类谷氨酸嘅来源组成呢一度菜，充满住旨味(umami)。蕃茄里边仲有少少芥辣，酸味之外再配上啲小小嘅辣味，识落好开胃亦都味觉上有适当嘅刺激。
Saba
32 浏览
0 赞好
0 留言
配上呢一度菜嘅系一杯好出名嘅日本酒，黑龙。黑龙嘅米酒香味，配上呢道菜嘅umami，实在系王道嘅选择。感觉非常之调和。
当我喺度继续感受紧黑龙系我口腔中嘅余韵，餐厅好快就送上第二道菜Potato。
虽然第二道菜系以potato做主体，好似感觉唔高级。但偏偏呢一道菜亦都显示得出厨师用简单嘅材料做出不凡嘅味道。
Potato
31 浏览
0 赞好
0 留言
之后就到呢一餐最好味嘅一道菜就系A4和牛。虽然上菜嘅时候觉得个份量有啲细，但食落去完全感受到呢一间餐厅法日fusion嘅玩法。佢哋系会好钟意用一啲好高级嘅日式食材，仲配上法式烹调方法再加以强调本身嘅味道。呢一道和牛，系我第一次食到有甜味嘅和牛，同上面嘅烧秋葵味道非常夹。配搭嘅红酒系Bourdeau paulliac嘅chateau haut-Batailley 2006。好full body嘅boudeaux blend带有非常oaky 嘅味道令配上味道浓厚嘅和牛非常之好味
Wagyu
22 浏览
0 赞好
0 留言
配Wagyu 嘅紫薯Beef Stew
36 浏览
0 赞好
0 留言
甜品系strawberry
甜品
36 浏览
0 赞好
0 留言
但由于我个friend唔系好钟意柚子嘅味道所以我哋交换左，我觉得甜品几好食，甜味恰到好处，为成个午餐好好画上一个句号。
店员非常之有礼貌，亦都好悉心去解释每一道菜。亦都有之后佢问我哋对于呢一餐嘅feedback。
整体用餐感觉良好，食物都非常之好，除咗个finger food 之外，实在值得一试。
张贴
