影片
更多
2022-01-02
1087 浏览
呢间从日本大阪过江龙嚟嘅「○𝐝𝐞▽ 鲷白汤らーめん」鲷鱼拉面店非常高人气，以鲷鱼汤出名，主打3款特色拉面，据闻鱼汤极其浓厚，我一直非常想试吓其独特之处，无奈上年开业至今都继续有人排队，今次终于趁前排天气开始转凉，排队唔会排到身水身汗嘅时候过嚟拜访一下。最后连埋门外落单嘅时间，我哋都只不过等咗大约半小时，星期日下午时份嚟讲，个人觉得系可以接受嘅等候时间。店铺门面以白色墙身配落地玻璃设计，整体装修用咗较为温暖嘅木系做主题，全店有啲位置采用咗隐藏式用灯，侧边近窗座位上亦有做咗比较明亮嘅灯光，所以整体感觉简约得嚟又带啲高雅。店内最先望到嘅中央位置系开放式厨房，如果坐吧台就可以一目了然望到师傅喺面前制作拉面嘅过程。另外佢哋嘅用餐配套相当唔错，台面有放咗独立包装嘅湿毛巾，口罩套同埋围裙，颇为贴心。拉面汤底独沽一味，只卖鲷鱼汤，种类就有三款，分别系「鲷沾面」，「鲷白汤」，「鲷清汤」。另外亦有三款小食同埋一款饭类可以选择。🔸鲷白汤拉面($𝟏𝟑𝟖)：餐牌上有介绍到汤底采用咗「天然真鲷」同埋「水」再加埋几种贝类熬制8小时而成。一上枱鱼香扑鼻，汤底呈泡状，配料放系中间位置，有少少红色调味粉末作为颜色点缀，整
呢间从日本大阪过江龙嚟嘅「○𝐝𝐞▽ 鲷白汤らーめん」鲷鱼拉面店非常高人气，以鲷鱼汤出名，主打3款特色拉面，据闻鱼汤极其浓厚，我一直非常想试吓其独特之处，无奈上年开业至今都继续有人排队，今次终于趁前排天气开始转凉，排队唔会排到身水身汗嘅时候过嚟拜访一下。最后连埋门外落单嘅时间，我哋都只不过等咗大约半小时，星期日下午时份嚟讲，个人觉得系可以接受嘅等候时间。
店铺门面以白色墙身配落地玻璃设计，整体装修用咗较为温暖嘅木系做主题，全店有啲位置采用咗隐藏式用灯，侧边近窗座位上亦有做咗比较明亮嘅灯光，所以整体感觉简约得嚟又带啲高雅。店内最先望到嘅中央位置系开放式厨房，如果坐吧台就可以一目了然望到师傅喺面前制作拉面嘅过程。另外佢哋嘅用餐配套相当唔错，台面有放咗独立包装嘅湿毛巾，口罩套同埋围裙，颇为贴心。
拉面汤底独沽一味，只卖鲷鱼汤，种类就有三款，分别系「鲷沾面」，「鲷白汤」，「鲷清汤」。另外亦有三款小食同埋一款饭类可以选择。
🔸鲷白汤拉面($𝟏𝟑𝟖)：
餐牌上有介绍到汤底采用咗「天然真鲷」同埋「水」再加埋几种贝类熬制8小时而成。一上枱鱼香扑鼻，汤底呈泡状，配料放系中间位置，有少少红色调味粉末作为颜色点缀，整体卖相吸晴，亦令人感觉有心思。配料方面有薄切叉烧，鲷鱼肉碎，洋葱粒同埋芦荀粒。碗边有啲柚子酱，相信系专俾客人食到中后期如果开始觉得太腬，可以放落汤里面解腻。
鲷白汤拉面
$138
22 浏览
1 赞好
0 留言
一入口我极为惊艳，因为汤底鱼味相当浓郁，继续食落去更加觉得口感的确好幼滑丰腴，里面更加有唔小嘅鲷鱼肉碎，味道鲜甜，我几乎全碗汤饮哂。面条方面选用咗幼身直面，口感偏软腍但不失弹牙，配料嘅薄切叉烧质感嫩滑，连汤一齐食都食到佢嘅肉味浓厚，加埋洋葱粒同芦荀粒，整体口感丰富，每一口都好满足。
鲷白汤拉面
$138
16 浏览
1 赞好
0 留言
🔸樱木烟熏溏心蛋($𝟏𝟓)：
呢度嘅三款拉面同样无加入蛋作为其中一样配料，如果想要蛋需要另外加钱。呢度嘅蛋以樱木屑轻轻烟熏过蛋嘅边缘，除咗蛋嘅边位之外，成只蛋嘅烟熏味道都唔太重，不过火候刚好，金黄色嘅半熟蛋黄比例完美，加返落个汤里面一齐食感觉更加完整。
🔸鲷沾面($𝟏𝟒𝟖)：
坐窗口位置嘅我哋，当呢碗沾面上枱时即刻引嚟外面排队嘅人注目，因为佢呈现嘅方式颇为霸气，一缕缕轻烟从金色嘅碗里面冒出，视觉上相当吸晴。汤底方面比鲷白汤更为浓厚亦更咸，入口有回甘嘅感觉，可能因为咁，旁边亦提供咗一小旧青柠，应该系当觉得太咸时可以将青柠吱入汤底里面中和。而汤底嘅配料就有唔小嘅豚肉碎，洋葱粒同芦笋粒，每舀一啖汤同时亦会舀到配料碎，所以食落都几有嚼口。
鲷沾面
$148
41 浏览
2 赞好
0 留言
沾面嘅面条系佢哋店铺原创嘅波浪形面条，睇落同关庙刀削面好似，但沾面嘅口感更实在，亦更烟韧。
🔸炸鲷鱼皮($𝟒𝟖)：
一份有两片，咬落相当香脆，毫无油腻感或油膱味，单食或点旁边嘅蚝肉橄榄油都同样惹味。不过味道虽然唔错，比普通炸鱼皮更香口，但又未到相当惊艳。
鲷鱼皮
$48
33 浏览
1 赞好
0 留言
🔸日式炸鸡($𝟒𝟖)：
呢度嘅炸鸡声称系得到「日本唐扬协会」认可，一碟有三大旧，即点即炸。外皮唔算好薄但口感够香脆，肉质嫩滑之余肉汁亦好丰富，一咬落肉汁瞬间喺口里面爆发。
日式炸鸡
$48
31 浏览
1 赞好
0 留言
旁边有啲姜黄粉配埋，味道带小辣，个人就喜欢唔点嘅原汁原味多啲。
日式炸鸡
$48
21 浏览
1 赞好
0 留言
呢度已成为个人心中香港拉面Top 5嘅其中一位，因为店家无论系面条，汤头或配料上面都相当讲究，感觉有认真去研究每个细节可以点样为食客带嚟更丰富更唔同嘅体验，而个人认为佢由味道，口感，卖相呈现同份量方面均系近乎无可挑剔。虽然以拉面嚟讲价钱偏贵，不过香港较少有专食鲷鱼汤拉面嘅面店，如果同样喜欢浓厚鱼汤嘅朋友，个人觉得绝对值得一试👍🏻！
张贴
