梔子

营业中

休息中

山林道呢度就有几间咖啡店，听朋友讲呢间bagel 同咩开心果蛋糕都几有名，就黎试试佢。睇个menu，见佢有好多bagel 选择，而且一坐底店员就递上是日甜品蛋糕menu，睇黎呢间咖啡店系专做轻食既？今日唔肚饿，无叫pasta 食，只系叫左佢bagel sandwish 同 开心果蛋糕食下。▧ 开心果蛋糕一层开心果忌廉一层蛋糕咁卡拉卡拉，有好多层。开心果忌廉少少甜，又无话甜到食唔落既个种，轻食黎讲唔错，唔会食到好腻。最顶有几粒坚果装饰下，衬返开心果。▧ 烟三文鱼配蕃茄Bagel三文治表皮都几脆。bagel要热要脆，内里好松软先叫好食。呢间都做到呢点，入面有烟三文鱼同埋蕃茄，咸香咸香咁，都唔错。bagel 上枱个阵个职员都会特登提我地要快d 食，放一阵冻左个皮就唔会再脆，都几细心。▧ Iced Latte呢间冻咖啡都几细杯，想真心饮咖啡既可能就唔够喉。不过个样就几靓，一层咖啡一层奶，等你自己搅佢。几得意。