Day and Nite by Master Kama (已結業)

难得假期就紧系揾间评价高啲既餐厅食野～见到呢间比较特别少少，主打龙虾菜式，黎到呢到可以满足唔少中意食海鲜既大家～环境位置好易揾，地方唔算大，但布置上睇得出花左唔少心思，望落去干净企理，简约中带点贵气。各式各样龙虾主菜，款款望到都好想嗌，非常吸睛。饮品餐牌都有几多呃LIKE之选，外表第一，好唔好饮就要嗌过先知XD焗牛油粟米，其实有啲小贵，但见著佢份量咁多就心理平衡番啲，以铁板上碟，中间夹杂左芝士同牛油，所以非常非常之香！每啖都好香口，且带芝士既咸香，不过食到尾厌佢咸得制，但整体都唔错～意式龙虾海鲜薄饼，大大只龙虾放左系中间都米话唔吸引，不过中间既龙虾系空心，而每件PIZZA都包含一旧龙虾肉，薄饼底脆身，味道颇为清淡，龙虾烟韧，但食得唔算过瘾><烤蒜蓉牛油龙虾意粉，另一个龙虾主食，升级龙虾再配意粉。龙虾烤至金黄色，加上牛油更香口，口感有韧劲，啖啖鲜香味道～望住咁大只龙虾食欲大增，不过个钳冇工具比我地用，就有啲难整:S意粉以茄蓉做配搭，酸中带甜，意粉口感弹牙，而且酱汁满满，非常入味。成枱都系食物真系令人胃口大增！咁样睇下去焗牛油粟米都的确算大份！COOKIE & MINI，呢