sips;;lban

营业中

休息中

海港城一直都有好多打卡嘅餐厅，今日嚟到海运嘅地下！👍🏻半半炸鸡分别拣咗蒜香蜜糖炸鸡、洋葱汁炸鸡，食落真系好有韩国食到嘅风味，鸡皮香脆不油腻，鸡肉多汁嫩滑。蒜香同蜜糖嘅配搭非常之恰到好处。👍🏻辣鱿鱼紫菜包饭当你叫咗炸鸡就唔想食得过于滞肚，所以拣紫菜卷就系明智嘅选择。每一件嘅饭卷都包得相当实净，配料满满，辣鱿鱼嘅味道相当突出！👍🏻软绵绵粟米蛋糕咁大个人先系第一次食粟米味嘅蛋糕，抱有试伏嘅心态但竟然带嚟咗满满嘅惊喜蛋糕嘅口感做得非常松软，中间嘅忌廉亦都相当轻盈，火炙过嘅粟米，加上木糠、朱古力脆脆居然相当和谐。👍🏻伯爵茶布甸牛角包窝夫天气转凉，所以婉拒咗刨冰嘅诱惑，拣咗呢一款摆盘丰富、少女一定会喜欢嘅牛角包窝夫。窝夫并无因为配料而变得湿润或者软淋，反而牛油香气非常诱人，加上滑捋捋嘅布甸、牛奶雪糕、黄豆粉厥饼，带点冰火交融嘅感觉！最钟意一定系佢额外加配嘅伯爵茶酱汁，茶味几香。👍🏻济州金橘梳打食完咁多嘢之后梗系想嚟一啖清爽又解腻嘅饮品，呢杯口感清新舒爽，更更加有大大块嘅柑橘肉添。👍🏻樱花泡泡浴用咗樱花嘅糖浆，加入咗棉花糖、白朱古力，非常之少女心！饮落去亦都冇预期中嘅甜，奶味确实系好好地中和咗。