喜相逢 (砵蘭街)

营业中

休息中

呢间饺子店之前已经食过几次, 最初系因为想帮衬附近既古早味蛋糕而无意中发现。喜相逢同香港其他一般既饺子店感觉好唔同。装修雅致, 灯光昏暗。第一下仲以为自己去左一间古色古香, 充满传统中国气息既酒吧。我地今晚买返屋企食。买左半打西洋菜猪肉饺(季节限定, 之前问过几次都话无, 今次终于试到)同半打白菜猪肉饺。西洋菜猪肉饺同白菜猪肉饺我都好钟意,本身钟意食西洋菜同白菜既就一定会钟意, 因为佢地就系单纯西洋菜猪肉同白菜猪肉既味道再加上佢地既自家调味, 唔钟意某些食店自行加入姜, 葱, 芹菜等配料落去D饺子到。食喜相逢饺子我唔会再沾其他酱汁因为佢地既内馅调味已经好足够。所以如果大家食开其他饺子店都无沾酱既话就会觉得喜相逢既饺子重口味左D。我觉得喜相逢系一间隐世高质的北方饺子店, 同香港食开既饺子店味道口感好唔同, 内馅味浓, 饺子皮有一定既厚度, 酱料系辣椒油。