影片
更多
2023-06-30
595 浏览
龙虾伊面可以话系酒楼饮宴必备菜式，不过就唔系间间都整得咁好食。今次专诚黎到位于九龙城嘅豪门小菜火锅一尝好多人都大赞足料嘅龙虾伊面！佢地小菜选择都几多，仲有唔少特色菜，例如：豪门卷、咕噜苦瓜、油浸笋壳鱼。估唔到黄金鲜鱿又几有惊喜▪️芝士龙虾伊面 $480呢道招牌菜份量十足！餐厅选用西澳龙虾，足足比波士顿龙虾大2.5倍，厚肉爽弹。伊面唔会黐埋一饼，面质软硬适中，兼且超挂汁。酱汁用上四式芝士，滑溜香浓，走一贯港式路线，奶香较重，但又无想像中咁腻。▪️自家制豪门卷 $98/8件以面包糠卷住手打虾胶墨鱼胶再炸！外层香口薄身酥脆，内𥚃弹牙几有虾味，食落唔会好油~▪️黄金焗鲜鱿 $118鲜鱿淋满酱汁，入口超浓咸蛋黄味！炸皮唔会太厚，即使裹满酱汁都keep到微脆，软弹唔韧。钟意咸蛋黄嘅大家不妨一尝佢地嘅黄金系列！▪️蒜茸粉丝蒸蛏子皇 $45/只 (4只起)蛏子弹牙，蒜蓉粉丝够味得黎唔会抢左鲜味~▪️鲜果咕噜肉 $98咕噜肉相对失色，炸皮唔脆偏粉▪️啫啫唐生菜 $98唐生菜好香好爽脆，加左唔少肉碎，微辣唔会太咸。整体嚟讲，小炒款式够晒多，质素都ok，私心推荐黄金焗鲜鱿同豪门卷。环境干净企理，都坐得几舒服，唔会太迫夹
▪️芝士龙虾伊面 $480
呢道招牌菜份量十足！餐厅选用西澳龙虾，足足比波士顿龙虾大2.5倍，厚肉爽弹。伊面唔会黐埋一饼，面质软硬适中，兼且超挂汁。酱汁用上四式芝士，滑溜香浓，走一贯港式路线，奶香较重，但又无想像中咁腻。
▪️自家制豪门卷 $98/8件
以面包糠卷住手打虾胶墨鱼胶再炸！外层香口薄身酥脆，内𥚃弹牙几有虾味，食落唔会好油~
▪️黄金焗鲜鱿 $118
鲜鱿淋满酱汁，入口超浓咸蛋黄味！炸皮唔会太厚，即使裹满酱汁都keep到微脆，软弹唔韧。钟意咸蛋黄嘅大家不妨一尝佢地嘅黄金系列！
▪️蒜茸粉丝蒸蛏子皇 $45/只 (4只起)
蛏子弹牙，蒜蓉粉丝够味得黎唔会抢左鲜味~
▪️鲜果咕噜肉 $98
咕噜肉相对失色，炸皮唔脆偏粉
▪️啫啫唐生菜 $98
唐生菜好香好爽脆，加左唔少肉碎，微辣唔会太咸。整体嚟讲，小炒款式够晒多，质素都ok，私心推荐黄金焗鲜鱿同豪门卷。环境干净企理，都坐得几舒服，唔会太迫夹。
张贴
