影片
更多
2024-09-06
212 浏览
在一星期前预订了这间omakaze,想说在工作之前好好享受一个午餐然后在工作。所以在网上看这是很高评价的一间餐厅于是便预订了。在lunch Menu入边有两个set可以拣一个是980以刺身为主的另一个680以寿司为主而我因为钟意食刺身比较多所以就拣咗刺身MenuOrder咗之后见到师傅喺度开鱼去皮平时啲Omakase 未必会见到呢个步骤因为有啲系隔夜买剩但系呢间证明咗食材好新鲜师傅系即开即㓥，而且手势都好专业去皮切骨成个步骤都好smooth套餐总共有两款前菜第一款前菜系左手边腌制左既间八鱼 上面铺咗一啲萝卜丝酸酸甜甜间八鱼都系腌制左既令人特别开胃而右手边系海藻茶碗蒸可能加咗海藻嘅关系令到成个茶碗蒸都好鲜甜呢个汤做得超级出色，无论鲜甜度同口感我都好钟意，师傅用咗鳢鱼做一个清汤然后配新鲜柚子成个感觉系好清新清甜，柚子唔会抢左汤既味道，啱啱好系有种好清新嘅感觉，二成碗汤都唔会觉得腥或者有鱼味，系我觉得好好饮嘅鱼汤跟住就开始上刺身啦第一款系Suzuki鲈鱼 配酸汁 我个人觉得比较有咬口第二款系九州特产嘅间八原来冇腌制嘅样系有啲似油甘鱼但食落去同油甘鱼嘅口感相似比油甘鱼更加鲜甜第三款系北寄贝呢个
在lunch Menu入边有两个set可以拣
一个是980以刺身为主的
另一个680以寿司为主
而我因为钟意食刺身比较多所以就拣咗刺身Menu
Order咗之后见到师傅喺度开鱼去皮
平时啲Omakase 未必会见到呢个步骤
因为有啲系隔夜买剩
但系呢间证明咗食材好新鲜
师傅系即开即㓥，而且手势都好专业
去皮切骨成个步骤都好smooth
套餐总共有两款前菜
第一款前菜系左手边腌制左既间八鱼
上面铺咗一啲萝卜丝酸酸甜甜
间八鱼都系腌制左既
令人特别开胃
而右手边系海藻茶碗蒸
可能加咗海藻嘅关系令到成个茶碗蒸都好鲜甜
呢个汤做得超级出色，无论鲜甜度同口感我都好钟意，师傅用咗鳢鱼做一个清汤然后配新鲜柚子
成个感觉系好清新清甜，柚子唔会抢左汤既味道，啱啱好系有种好清新嘅感觉，二成碗汤都唔会觉得腥或者有鱼味，系我觉得好好饮嘅鱼汤
跟住就开始上刺身啦
第一款系Suzuki鲈鱼 配酸汁
我个人觉得比较有咬口
第二款系九州特产嘅间八
原来冇腌制嘅样系有啲似油甘鱼
但食落去同油甘鱼嘅口感相似
比油甘鱼更加鲜甜
第三款系北寄贝
呢个系我最钟意嘅刺身同我哋平时食熟咗嘅
原来差好远，呢个口咁咬落去系比较爽口而且非常鲜甜，就算食咗落肚，条脷都会徘徊住鲜甜嘅味道
第四样系甘虾刺身
呢个我会排第二先甜
师傅教第一只用Wasabi食
第二只先Wasabi加豉油
其实唔使加豉油我都觉得好鲜甜
第五样刺身
有两款北海道八爪鱼一款系八爪鱼吸管另一款系八爪鱼身
呢一只刺身配咗酱渍Wasabi 同普通Wasabi
我自己就钟意酱渍𠮶一只但系就比较辣啲
食落去比较有口感同埋吊出咗八爪鱼嘅鲜味
跟住上寿司之前呢就上咗一个热食系一个炸虾丸配咗一条绿色嘅辣椒，由于系啱啱整好相嘅时候仲系热辣辣，咬落去好香虾味配埋辣椒一流
跟住就开始食寿司总共有八种第一种寿司热海既金目鲷
师傅提前用热水渌过鱼皮，令到寿司可以更容易入口。
第二种，帆立贝昆布渍，用咗昆布职业制更加令到口感软滑味道浓郁。
第三种，福冈鱿鱼入面有啲紫苏叶，师傅好好咁切开左，好有口感。
第四种，新秋刀鱼寿司 ，听师傅讲原来秋刀鱼就系秋天先有嘅，所以而家啱啱入秋，所以就叫新秋刀鱼，呢个时间嘅秋刀鱼会比较鲜甜啲
。如果过多几个月嘅话就会比较肥美。
第五种寿司霜降吞拿鱼腩，一睇就知道充满咗油分咬去超级香。
第六，蛇腹吞拿鱼腩 ，师傅加咗盐阻隔油。
第七款系酱渍吞拿鱼，师傅话呢一款系佢最钟意嘅寿司
最后系最吸引嘅海胆手卷，劲新鲜同鲜甜完全唔会有腥味，满满嘅海胆就系徘徊喺口中
最后Menu可以拣乌冬或者面豉汤
本身我想试吓个乌冬咖
不过我太饱啦所以我都系拣咗面豉汤，但系其实佢个面豉汤都做得好出色因为成个汤都好鲜甜同埋好足料，我第一次饮晒成碗嘅面豉汤
整体嚟讲我超级满意今次嘅Omakase
系好大惊喜，因为由前菜开始就感受到师傅好用心去制作，每一个摆盘同口感都系经过设计的，师傅服务都好好由前菜去到最后面豉汤佢都会好细心咁样去同客人解释，佢系点样制作啦同埋介绍返时令嘅鱼啦，我听到同台有啲客人问师傅几时会喺度，如果佢喺度佢哋先过嚟食，好彩师傅长期都会系餐厅，呢间餐厅我一定会encore，环境食物服务上我都系觉得系100分。如果大家想食omakase,真系可以考虑呢一间绝对唔会有伏。
张贴
