CoHee Studio

营业中

休息中

虽然呢间CAFE好唔就脚，每次都要揸车先黎到，泊车都比较远，要行一段路仔，但系系值得嘅。周末会比较多人，店内座位唔算多，等位可能耐少少。我每次都会点的带子三文鱼籽洋葱炒蛋面包配沙律带子同三文鱼籽都好新鲜，带子煎得岩岩好沙律可以拣黑醋汁或者麻酱唯一好希望佢改善嘅，系个面包，如果佢系多士会更加香。近来好似已经转左menu变左bagel，同样的配料，同样希望可以烘下个bagel。男朋友每次都会点的Parma Ham炒蛋面包配沙律LATTE好好饮，唔会苦涩，好钟意饮！另外佢会比啲nuts同espresso，比你试返个原味shot，好特别。另外环境唔错，几干净，有啲小植物摆设，几舒服。服务亦都好好，店员后生仔女为主，好有礼貌，都会同你讲解你叫嘅咖啡有啲咩味。店内不时都有workshop比人试下自己整咖啡，亦有啲整咖啡啲工具卖。