Casa Cafe & Bistro

营业中

休息中

今日天气真系好好，难得出去踩单车，当然要食返餐丰盛早餐打打底。呢间Cafe餐厅位于马鞍山海滨公园单车径旁边，有落地大玻璃窗，环境舒适安静，又可以睇实单车。早餐价格约$50-60一个set 连果汁，以环境嚟讲尚算合理。虽然要自己出去落单，但上菜有侍应代劳，可以休闲kick start 一个美好嘅周末。我哋叫咗个吉列鱼柳配炒滑蛋。鱼柳炸得外脆内软，配上他他酱，有午市fish  & chips 嘅质素。加上香滑嘅蛋同烘得微焦嘅多士，几滋味的。虽然份量无法同街边茶记比较，但以此餐厅定位还算可以。另一碟系烟三文鱼牛油果Benedict，卖相精美，烟三文鱼同沙律菜都几新鲜。蛋方面，benedict 虽然只得一只，生熟程度恰到好处，Hollandaise sauce 可以再浓厚啲，不过整体都几满意。