La Rosabelle Bar & Grill

营业中

休息中

早排去马湾揾猫画🐱,难得入到嚟,当然要留到夜晚睇埋个夜景先走啦🌃~喺向住青马大桥嘅一边商场,其实有好多餐厅🍴~因为个景实在太无敌,大家几冻都会坐外边~呢间餐厅喺下层,部份风景俾树档住🌴🌴...如果想有靓景,就记得早啲嚟揾位啦~呢个拼盘有炸鱿鱼圈🦑,炸洋葱圈🧅,鸡块同鸡翼🐔~炸洋葱圈太硬了,而炸鱿鱼圈唔错~鸡翼炸得几脆但有点偏干...而且个鸡翼系完全无味道,只靠上面个茄汁...反而鸡块就最好食~青口感觉比较少🦪,而且系蕃茄汁底🍅,个人觉得白汁或忌廉汁比较夹~而个蕃茄汁个味亦系好淡,就算直接试个汁都系无乜味,所以啲青口都唔够味...呢个芝士夹饼算唔错,芝士都几多🧀,而且个夹饼都几脆~不过卖相全无,只系好简单两块饼中间加芝士夹埋,要收呢个价都实在几贵💸...因为见人哋啲啤酒大大杯🍺,所以都唔执输点返杯~的确大杯又抵饮,够冻又够气,唔错👍~总括而言,我觉得呢间嘅嘢食一般般,啲人应该都系为睇景而嚟🌉~但以景而言,又唔够佢侧边无遮无挡嘅其他餐厅好...所以咁嘅质素,咁嘅价位,我个人觉得唔系好值...