My Burger 中海日升中心

营业中

休息中

被誉为返工地狱嘅观塘，除咗人多车多之外，其实食肆林立，卧虎藏龙！对于讲求速度嘅打工仔，除咗食茶记快餐，仲可以试吓美式快餐嘅代表：汉堡包！位于观塘中海日升中心嘅My Burger，餐厅提供多款选择嘅汉堡包，重点系份量十足，绝对能够满足空虚咗成朝嘅胃啦！大只佬汉堡配薯条呢个大只佬汉堡绝对系My Burger嘅名物，配料相当丰富，有汉堡扒、流心蛋、蕃茄、沙律菜、芝士、烟肉，最特别系有红菜头。爽脆嘅红菜头，增加成个大只佬汉堡嘅口感；而流心蛋嘅熟度亦都拿捏得非常好，一咬落去啲蛋浆就流晒出嚟，好满足；至于汉堡包嘅主角，当然就系汉堡扒啦，汉堡嘅牛肉味香浓，充满肉汁。薯条系汉堡包嘅好朋友，薯条炸得香脆，薯味香浓，令人食唔停口呀！炸鱼汉堡呢个炸鱼汉堡嘅鱼柳，又长又厚，分量十足，而且炸得松化，外脆内嫩。至于面包亦预先烘脆，加上沙律菜，令成个炸鱼汉堡增加口感。水牛城辣鸡翼鸡翼涂满水牛城酱，又酸又辣，味道非常浓郁强烈，够晒惹味！士多啤梨奶昔、罐装汽水饮品方面，我哋就叫咗士多啤梨奶昔同罐装柠檬可乐。特别钟意奶味香浓，带有丰富士多啤梨味嘅香滑奶昔，好邪恶但又好满足啊！