泰妹餐廳 (The Wave) (已結業)

观塘the wave啲餐厅差唔多俾我试匀，净系差呢间泰国菜。所以就揾日中午去试埋呢间，餐厅装潢都几靓，地方开扬，灯光明亮。食都食得舒服啲。我就点咗一个泰式猪髀饭，猪脚入味，猪皮弹牙，肉质软淋。仲有配菜，卤蛋同菜心，分量充足，配上一杯泰式冻柠茶，正呀！我地仲点咗个软壳蟹米纸卷，但呢度嘅米纸卷都几特别，有种香草薄荷味，同埋都好足料，口感丰富，值得一试。观塘泰国菜唔算多，呢间都可以列入平日返工食饭嘅选择，地方近公司，价钱都合理，环境靓，味道都唔错嘅。