珍珍食堂 (已結業)

今日为了庆祝我哋好友生日，特别系珍珍钉咗一围丰富海鲜午餐，菜单有：头盘：鲜菓沙律-每款鲜菓都系老板娘自己亲身挑选，新鲜清甜。👍接著有潮州冻蟹-要做好呢味𩠌，一定材料够新鲜甜美，先能够做到冻食，加上自制蟹醋，简直天衣无逢，我曾经问过老板娘，D醋系边度买，佢话自己整，唔怪得同外面食d醋，完全唔同，特别好味😍。蜜汁火方：虽然系有少少肥猪肉，但肥而不腻，加上用桂花糖和莲子，特别清甜，夹埋薄饼一齐食，完全去咗油腻感觉😃清炒豆苗：现时系食豆苗季节，一般炒豆苗都需要多油先香同好食，但系老板炒出嚟豆苗唔系好油又好好食😘推介食品：八宝暖锅：材料丰富有鲍鱼，瑶柱、冬菇、竹笙、金华火腿、津白、蛋角、粉丝加上浓汤底，十分好味呀😍椒盐海虾，呢味𩠌炸到金香爽脆，唔系好油腻.👍清蒸大星斑，今日条斑有3斤重，喺出面食蒸大鱼，好多时间控制好紧要，多咗D都或少D都会影响条鱼蒸出嚟有几滑，老板时间控制非常好，鱼身肉好滑，甚至连面猪肉都一样咁滑，顶呱呱！👍蒜茸蒸大圣子：由于圣子新鲜老板只需要用蒜茸加粉丝辣椒上面蒸，已经可以带出圣子本身鲜甜味道，唔需要再添加任何调味料，加上蒸时间恰当，做出嚟圣子爽甜☺甜品：咖啡冻-香浓咖啡味凉