珍珍食堂 (已結業)

跟好友慶祝生日，想找個舒適而食物又有質素的地方，私房菜會是一個不錯的選擇。香港傳統工業漸漸式微，觀塘工業區開始發展創意工業，不少餐廳菜館都向上發展，地方比較寬敞，因為沒有地舖租金的壓力，服務質素亦提高，不用限時交枱，亦不須收取開瓶費或切餅費，食客也輕鬆自在得多。我們一行8人，十道菜包燉湯，不加一，每位$330，除上海菜式外，還提供東南亞菜式及海鮮。先來珍珍滋味拼盆，鹵水牛展、夫妻肺片、海帶結及拍青瓜，鹵水入味，拍青瓜醒胃，夫妻肺片麻辣尤其惹味。 富貴黃金大海蝦香味撲鼻，鹹蛋掛上每隻蝦上，鹹香彈牙，伊麵底吸盡精華但不油膩。姬松茸雞燉螺頭獨立每位一盅，姬松茸脆嫩滑爽，營養成分高，蛋白質與糖類是香菇的兩倍，可口鮮甜，滋陰美味。紅燒獅子頭，濃油赤醬上海菜的表表者，可惜稍甜。清蒸海石斑火候控制得宜，魚肉剛剛離骨。 星加坡橋底辣蟹，配上自製油炸鬼有特色。可以選擇辣度，早利亞不太吃得辣，但這正常辣度非常惹味，忍不住吃不停口。蒜子上湯浸菜苗，菜心很嫩。蔥油上海醉雞特別，坊間一般提供蔥油雞或醉雞，但將兩道菜合二為一比較罕有，酒味不重，難得蔥油香又可以跟酒味平衡。最後送上瑤柱蛋白炒飯，炒得粒

好野要share,朋友介紹，食物有水準，好好味，食到中段我已經好飽，仲要打包返屋企比老公食。其實本來不太喜歡去工廈及私房菜入面食野，因試過幾次不愉快及食品麻麻。但今次去珍珍飯堂真係要讚下，食嘅唔只手藝，以咁嘅價錢亦可以食到咁嘅材料，下次做節要帶埋屋企人來食。由冷盆，青瓜，海帶，蜆，好濃味嘅鮑魚，螺頭湯，到熱葷入味嘅鮑魚，雞，黃金大蝦，炸子雞，魚，星洲酸辣蟹，啫啫芥蘭菜，鮑魚窩飯，様様好食，夠味👍🏿！上菜又配合我哋，因中段有抽獎！我哋又不停影相，歡樂咗成4小時，好開心，好好食！直得推介

雖然時不時都出來食飯，都係食來食去都係大路嘢食，但係去食私房菜真係少之又少，數得出不足十次內，除咗間間私房菜係菜式上各有不同，而且仲會有不同計算方法，形式上都好多例如按人頭計再俾多小錢或者俾一筆錢由佢發板菜式，真係豐儉由人不過都要有最低消費，才可以吃到今次就同朋友一齊去咗觀塘敬業街，一座工廈去品嚐一下私房菜，我都唔知菜式係由我朋友話事，定係由呢度老闆話事，真係好期待今餐食乜餸等齊人就開始上菜先來係滋味拼盤，有拍黃瓜食落香辣，海帶爽滑清甜，雲耳爽口開胃，腩肉入口嫩滑有質感再來係富貴黃金大海蝦配牛油芝士伊麵底，鹹蛋黃已包住大海蝦，咬一啖大蝦已食肉質彈牙鮮甜再加鹹蛋黃香甜，當然唔少得食番啖伊麵咁先完美其後係清燉海皇湯，一睇到湯面冇油就知道好嘢，入口鮮甜，湯料十足，真係飲一碗都唔夠喉飲完個靚湯，又到淸蒸海東星，東星蒸得時間啱啱好，肉質自然香滑鮮甜，就算平時唔食魚嘅我都要食番一件才滿足，入口滑溜又啖啖肉食完一輪海鮮又輪到肉時候出場，紅燒東坡肉，肥豬肉燜得晶凝通透，放入口中已慢慢溶化，食落又唔肥膩，仲食到香甜嘅脂肪之後輪到星加坡橋底辣蟹，配香脆油炸鬼，我都係第一食到用湯汁煮橋底辣蟹，平時食開都係乾

太大期望也太大失望.  酒醉螄蚶完全沒有肉, 打開只有一片皮, 這種質素根本不能給人吃, 回家更痾了十幾次. 冷盤拼盤只是素雞, 芹菜, 海帶完全現成食物唔需烹調.  上海醉雞完全沒酒味. 糖醋排骨硬到吃唔到. 上海暧窩也很一般, 湯底淡, 完全沒鮮味.  我們一圍十幾人全部都好失望

吾係老上海朋友介紹，真係吾知有上海老師傅，在工廠大廈默默耕耘，以大眾化價錢，用心做正宗上海菜，真材實料，我食婆婆煮的上海菜大，我連上海X飯店也看不上眼，偏偏在不起眼的工廠區內，這間飯堂裡食到家鄉的味道，是我家婆婆自家的味道，真係感動到😳😳先來個凍蟹，雖然係一般花蟹，卻是厚肉鮮嫩，再配上老闆秘製的醋，鮮味更見持出。上海人一般用黑色的陳醋，老闆秘製的是透明淡黃色，味道微甜帶小小酸，沒有陳醋的強勁，卻有醒胃之效果，尤其悶熱天時，老闆秘製的醋，帶出蟹的鮮味之餘，也有助開胃刺激食慾。😋😋😋油浸荀殼魚，外表用滾油泡或炸得甘香脆口，魚肉鮮嫩多汁，酒上蔥花，再淋上老闆秘製豉油，好味都不得了，有油炸效果的魚皮甘香脆口，又有蒸魚效果的魚肉鮮嫩，加上蔥油的微甜咸香，實在係無得頂!😋😋😋東坡肉，正正方方，飯碗大小的一人份量，肥瘦層次分明，咬落去，入口即溶，鬆化無比，完全不覺肥膩，大慨係師父工夫好，大部份肥油在泡油工序已迫晒出來，而且調味帶小小甜小小酸，進一步中和油膩感。蟠龍鱔，大大碟，件件超大件厚肉，鮮甜無比，沒有泥腥味，我一人就食了六七件。香酒煮螺，螺係細左D，但螺肉入味，彈牙有口感，佐酒一流。炒四季豆，韮

若不是有人帶路,也不敢獨自闖進,陳舊的工厰大厦要自己用手拉的鐡閘升降機,你怎會想到有這個私房菜,還可以中午用平民價去品嘗!環境佈置簡單，家庭形式，例湯和飯都是自己動手添，在家一樣吃多小都隨意。 中午餸菜二十多款，很好味。有東星班，泰式甜酸魚好好味 , 冷盤醉雞濃酒味, 豬腳口感也不錯。一個可以放鬆一下,清静美味的餐廳在香港差不多已絕迹,希望他能繼續做下去

今日為了慶祝我哋好友生日，特別係珍珍釘咗一圍豐富海鮮午餐，菜單有：頭盤：鮮菓沙律-每款鮮菓都係老闆娘自己親身挑選，新鮮清甜。👍接著有潮州凍蟹-要做好呢味餸，一定材料夠新鮮甜美，先能夠做到凍食，加上自製蟹醋，簡直天衣無逢，我曾經問過老闆娘，D醋係邊度買，佢話自己整，唔怪得同外面食d醋，完全唔同，特別好味😍。蜜汁火方：雖然係有少少肥豬肉，但肥而不膩，加上用桂花糖和蓮子，特別清甜，夾埋薄餅一齊食，完全去咗油膩感覺😃清炒豆苗：現時係食豆苗季節，一般炒豆苗都需要多油先香同好食，但係老闆炒出嚟豆苗唔係好油又好好食😘推介食品：八寶暖鍋：材料豐富有鮑魚，瑤柱、冬菇、竹笙、金華火腿、津白、蛋角、粉絲加上濃湯底，十分好味呀😍椒鹽海蝦，呢味餸炸到金香爽脆，唔係好油膩.👍清蒸大星斑，今日條斑有3斤重，喺出面食蒸大魚，好多時間控制好緊要，多咗D都或少D都會影響條魚蒸出嚟有幾滑，老闆時間控制非常好，魚身肉好滑，甚至連面豬肉都一樣咁滑，頂呱呱！👍蒜茸蒸大聖子：由於聖子新鮮老闆只需要用蒜茸加粉絲辣椒上面蒸，已經可以帶出聖子本身鮮甜味道，唔需要再添加任何調味料，加上蒸時間恰當，做出嚟聖子爽甜☺甜品：咖啡凍-香濃咖啡味涼

又來到珍珍了！今次是一班同事前來朝聖，有人喜歡吃肉、有人喜歡吃海鮮，所以什麼都點了一些！珍珍的午餐仍然是白飯、例湯任裝，嘩！今天大家的心情都很好，東西上菜後，二話不說把盤上的食物吃光光！我想，下次要叫更多的新菜式吧！不然，絕對滿足不了我們這群大食怪呢！但係提醒各位巴打，記得要預先訂位！

父親節，大日子，到處都會滿座。事前做足準備，一個月前已經訂好位，始終要安置一圍十數人，絕不可以失禮，工夫一定要做足。老人家不喜愛太嘈吵的地方，恰恰珍珍食堂每晚只做一桌，今次可謂以「包場」來形容。環境尚算可以，老人家聊天聊得開心，小孩子又有足夠空間可以走來走去。第一次踏足工廈食堂，感覺很是新鮮。一直以來都對「食堂」二字存在很大偏見，「食堂」的食物可以好吃到那裡，更何況是工廠大廈裡的食堂呢？訂位的過程不乏娛樂性。很自然會問問老板娘有什麼特色菜色推介，她反問我們想吃什麼，吓？我們怎知你們有什麼菜色呢？對於第一次光顧而且沒有方向的我們，這個答覆實在有點被「吹脹」的感覺。如是者不斷交鋒，好不容易才訂下一張完整菜單。上海燻魚。就如其他上海菜館一樣，首先出場的冷盤通常都會是燻魚。燻魚實在吃得太多了，所以感覺也變得麻木，只要酸甜度剛好，以及能夠保時香脆乾身，已經算是合格之作了。師傅落醋的份量剛好，吃起來並沒有嗆喉的感覺。沒有太大的驚喜，不過看到老人家吃得很滋味，所以都算滿意。山東燒雞。竟然能夠在上海菜館吃到山東燒雞，實在有點不明所以，幸好我是山東燒雞的愛好者，不過不幸的是我對山東燒雞的要求相當高。單看

星期五係我第一次去呢度食lunch, 亦會係最後一次. 初頭聽話私房菜應該都ok, 講真食物味道一般,可以接受,但一定唔可以用好食去形容. 不過椒鹽鮮魷就不知所謂,一D椒鹽都無,好彩D鮮魷新鮮. 而份量就十分少, 女仔食都唔夠食. 但講真D湯就好ok, 湯同飯都任食.但不能不提係呢度除左整野食同最初table setting唔駛我地之後, 其它都係自助形式, 有個人去問佢個菜得未, 佢就話得,拎埋出去啦!唔夠食想加多個dish就俾人"Jap", 真係唔知間解. D人問有無飯, 老板娘就打開飯煲,叫個人順便打埋飯, 仲要唔係有禮貌. 唉!食完呢餐4點幾要食下午茶先頂得住,no more next time and 如果真係做唔切太忙請一個人囉!唔好發客人脾氣嘛!

朋友話一月中仲有大閘蟹食所以從上海訂來香港繼續encore~今年(大閘蟹 take5)。 今次決定帶埋d蟹去私房菜珍珍訂一圍。再度包場， 因為只有我們一檯! 老闆娘話最少要8-10 個人，每圍最少$1600。有人五個人都會訂$1600一圍, 老闆話會比好d食材! 食之前一日比電話我地講菜單，共十道菜。 老闆娘話晚上如果沒有人訂位就唔開鋪。當然有老火湯啦！有家庭感覺, 比媽媽的湯濃!老闆娘和老闆好nice ， 好細心。特別做薑醋來食蟹話可以驅寒,d醋味道好好~又分兩批蟹蒸等我們食完一隻先第二隻咪可以熱。我朋友唔食蟹老闆先做個四季豆等佢地唔好有得睇無得食哋，又教我們正確食蟹方法。肉碎四季豆- 豆走過油好鑊氣！山東雞 - 初初上枱好皮脆肉嫩，個點汁好味，但隔內咗d皮就唔脆，所以失色在少少清蒸游水東星班 - 食得出係堅游水嘅！剛好離骨。要贊老闆嘅秘制豉油。魚汁蔥花豉油撈飯一流~ 老闆所有汁都調效得好好！好配每道菜嘅味。京葱美國桶蠔 - 好多人都怕蠔會醒，但味道好好! D蠔好肥好甜美。 唔知係d蠔靚定手細好。我們連京葱都食晒。清炒豆苗東坡肉- 本小姐一向不好食動物脂肪，但朋友們話好正，

再次回到珍珍珍食堂，每次和大顆兒來的之前，在路上已經討論著要吃什麼，接著等菜色上檯後，立即舉起自己的筷子，掃個清光。今次再到珍珍食堂，同行者有吃素的、有海鮮愛好者，也有肉食動物，於是我們就點了以下的菜色，包括：清蒸海上鮮：上檯時才淋豉油，芳香可口避風塘炒蟹：若你喜歡吃蟹，不能不點，特別是老闆的風味醬料，令我吃不停口。香脆瀨尿蝦：香脆但較乾身干欖四季豆：撈飯必備佳品東玻肉加豬手：最怕吃肥肉，但今次吃到的東玻肉多汁有咬口，又不會太稔身，正！蕃茄蛋：素食及肉食者都搶著吃蟹皇豆腐煲：蟹肉汁鮮甜抹茶竽頭餅：珍珍食堂獨家售賣的抹茶竽頭餅，外表沒甚麼看頭，吃完一口，大家即說快多點一個。若不點海鮮的話，一人價錢約$35-50。一條魚$40，蟹70！街市價錢，大酒樓級數，抵食！不過店舖只有老闆及老闆娘，想吃的朋友請先預約，否則walk-in的話九成九沒有位置。

午飯和晚飯都光顧過，食物質素都保持水準，有時還有會驚喜。今次一行九人訂了大閘蟹，還有其他菜式，大家都捧著肚回去啊！今次食到一半，老闆娘問我們懂不懂電腦，原來有其他食客在 openrice 提及了她的飯堂，她想看看。原來有一則食評提及「珍珍食堂」，大家也興奮起來。我們也來分享當晚的餸菜吧︰大閘蟹（足七兩）︰好多膏（但掛住食，無影相）老火湯龍蝦沙律蒜蓉蒸聖子︰每人一隻，好爽好新鮮！好正！（但也唔記得影相…）香酥雞︰每次都有食，好香。（要人多才好order, 因為好大碟）炒豆苗︰有食客問有沒有東坡肉，結果老闆好好人，在豆苗上加料，送了大大件的東坡肉。大家都對這東坡肉讚不絕口，說入口即溶。但我怕肥，唔敢食…京葱炒大筒蠔︰好肥美好大隻~~~豉椒豬扒︰老闆娘問「豉椒豬扒lunch都食到喇，點解晚飯都要點呀？」，其中一位食客答道「因為好好味」椒鹽鮮魷︰也是每次必點菜式清蒸魚︰好滑，時間配合得剛剛好~~干燒大蝦︰每人一隻，如果可以食多隻就好了綠茶芋餅︰不太甜，熱辣辣，好好味。味道似蕃薯，多過似芋頭。這裡的地方有限，記得早點訂枱。lunch 時間他們做到踢晒腳，有時都幾惡ga....不過dinner 時

觀塘工廠區罕有的私房菜! 觀塘區食午餐最少＄35至50 先叫好D。 午飯＄35 40 一道菜, 老火湯和白飯任裝。今時今日邊度搵！ 午飯可以自己班FRIEND10 個人包一檯，有10道菜和甜品, 老火湯和白飯任裝。 總芝老闆選菜, 但係可以提出你喜歡和想要什麼.晚飯都是10個人包一檯，有10道菜和甜品老火湯，小菜真的沒有味精， 每次最少飲幾碗。 白米食幾多裝幾多，唔准浪費食物！ 小菜有特色, 好住家感覺。 香酥鴨，綠茶芋餅，芝士開邊蝦, 泰式魚...正! 地方麻麻啦!不過唔好期望有服務，因為只有一對夫婦一腳踢， 要煮要洗！