影片
更多
2021-08-31
239 浏览
龙城冰室我朋友系呢间嘢fans，每次问佢食咩好都系推呢间，今次试佢个下午茶，嘢食唔系太差，但整体感觉唔系咁好，侍应嘅态度差咗少少，落单催三催四。————————————————————— 焗鲜茄猪扒饭 💸$53面头有芝士，个茄汁整得几好嘅，有好多蔬菜系上面、 芹菜、蕃茄、洋葱、菠萝，猪扒都劲大块而且系厚切，但系败北系啲饭度，啲饭有炒底，但系佢啲好碎，好大部分都系断开咗嘅米，可能系因为啲米唔靓或者放得太耐变到太干啦，如果佢做返好啲啲饭，呢个焗猪会好高分。烟三文鱼牛角酥 配 越南春卷拼”薯条” 💸$45呢个餐好搞笑，个餐牌写薯角，叫完嘢食张单写薯皇，谂住冇问题，点知嚟到系薯条。问个侍应佢就话系配薯条。。。 讲咗个包先，都有三、四块三文鱼，入面仲有啲生菜同蕃茄，个牛角包就有烘返热，虽然㶶咗少少边，个整体个包系好食。炸嘢方面就油咗少少啦，正正常常，餐厅都有用返啲生菜垫底去吸返少少油。叫咗两杯冻柠茶，出哂事，啲茶色好混浊，饮落涩涩哋，应该放咗好耐未冲新一壶茶，btw我食到一半见到隔离枱𠮶杯柠茶就系正常颜色(应该系新冲)，好心就唔好比啲放咗咁耐嘅比客啦总结，我觉得呢个价钱系铜锣湾食到嘢算系咁，但
我朋友系呢间嘢fans，每次问佢食咩好都系推呢间，今次试佢个下午茶，嘢食唔系太差，但整体感觉唔系咁好，侍应嘅态度差咗少少，落单催三催四。
—————————————————————
焗鲜茄猪扒饭 💸$53
面头有芝士，个茄汁整得几好嘅，有好多蔬菜系上面、 芹菜、蕃茄、洋葱、菠萝，猪扒都劲大块而且系厚切，但系败北系啲饭度，啲饭有炒底，但系佢啲好碎，好大部分都系断开咗嘅米，可能系因为啲米唔靓或者放得太耐变到太干啦，如果佢做返好啲啲饭，呢个焗猪会好高分。
烟三文鱼牛角酥 配 越南春卷拼”薯条” 💸$45
呢个餐好搞笑，个餐牌写薯角，叫完嘢食张单写薯皇，谂住冇问题，点知嚟到系薯条。问个侍应佢就话系配薯条。。。 讲咗个包先，都有三、四块三文鱼，入面仲有啲生菜同蕃茄，个牛角包就有烘返热，虽然㶶咗少少边，个整体个包系好食。炸嘢方面就油咗少少啦，正正常常，餐厅都有用返啲生菜垫底去吸返少少油。
叫咗两杯冻柠茶，出哂事，啲茶色好混浊，饮落涩涩哋，应该放咗好耐未冲新一壶茶，btw我食到一半见到隔离枱𠮶杯柠茶就系正常颜色(应该系新冲)，好心就唔好比啲放咗咁耐嘅比客啦
总结，我觉得呢个价钱系铜锣湾食到嘢算系咁，但系服务可以好返少少。
—————————————————————
龙城冰室
📍铜锣湾谢斐道500号维安商业大厦地舖
张贴
