美味故事 (已結業)

朋友成日都话想去美味故事，我今日终于都陪佢嚟。餐厅环境宽敞仲有特色座位。店员会先奉上西瓜沙冰，refresh一下口腔。南瓜汤够香够滑，上面仲加咗一个笑脸， 十分窝心。香橙柚蜜烟鸭胸沙律够晒清新，沙律菜亦好新鲜。烟三文鱼他他多士属于一口多士，一口一个可以将整件多士嘅味道一次过放入口品尝。慢煮原只去骨春鸡嘅size以春鸡来讲非常巨型，而且佢用慢煮嘅方式去烹调，所以鸡肉非常嫩滑。春鸡嘅配菜就拣咗酸忌廉烟肉焗薯，酸忌廉配焗薯呢个配搭够哂吸引。西京烧三文鱼扒配香草忌廉汁份量亦好多，三文鱼扒煎得出色，伴碟拣咗焗薯蔬，蔬菜颜色配搭得好靓，而焗薯就系小番薯。朋友钟意白桃，所以拣咗白桃蓝蝶花，好靓好打卡able，而我就比较注重养生，所以拣咗玫瑰养颜花果茶，两款都各有特色。旺角呢个繁华闹市中找到呢个宁静角落，都系一个唔错嘅选择。