天湖印度餐廳

营业中

休息中

东涌嘅 Mansarover Indian Restaurant 系直到目前为止帮衬过最远嘅黄店，如果唔系行山路经，真系未必咁神心专登揾到去。呢间店位处偏僻，由东涌党铁站行过去要成半个钟，非常隐世，不过佢嘅姊妹店就颇为出名：荃湾嘅 BaBa's Station，系呀，即系 YellopenRice 介绍过𠮶间印度餐厅。呢度有个全日套餐好似几吸引，于是我哋叫咗 Pepperoni 六吋 Pizza 同埋传统牛杂菜咖哩配烤饼，另外又叫咗我最钟意嘅 Mango Lassi。 首先要赞下杯 Mango Lassi，奶味非常浓郁 ，好足料👍，芒果偏酸，正正系最怕甜嘅我喜爱嘅味道。Pepperoni Pizza 芝士丰富，饼底烤得又香又脆，唔知系咪喺个 tandoor 度烤出嚟嘅呢🤔？至于个咖哩牛就更不在话下，咖哩汁入面有多种香料，味道丰富，牛肉大大嚿，煮得又腍又入味，配埋块 naan 食，滋味一流🤤。小店虽然可以提供往返东涌站嘅接送服务，但系眼见成间舖家庭式经营，得几对手做嘢，所以大家如果真系想嚟帮衬，希望可以自己嚟，自己走，当做饭前饭后运动啦😆。