禮記 (已結業)

今日放工去左将军澳Donki行街，行到咁上下突然想食下中餐，见到有间好靓嘅中菜馆，就行左入去试下。茗茶 - 荔枝茶 13元/位餐厅提供荔枝茶、铁观音、乌龙、普洱，我直接问店员有咩特别推介。荔枝茶，香味十足，热嘅荔枝茶以为会甜甜地会好怪，但系饮落口淡淡嘅荔技香味，加上好特别，出面未试过，好好饮！银杏鲜腐竹扒时蔬 $118特别咁加试银杏，加上用左新鲜嘅小棠菜同埋鲜腐竹，成个菜健康之如，汤饮落好舒服好鲜甜，清淡首选。银牙肉丝脆面 $198打卡王牌，真系好好奇点样去整到咁特别，再放埋对筷子上去，真系好吸引人拎对筷子夹起佢，更加似餐厅食物嘅figure。建议剪开左个面先再淋上酱汁，因为咁样可以比面更加易去吸收酱汁，好睇又好食。怀旧凤梨咕噜肉 $128宫廷式嘅摆设，真系好打卡able。咕噜肉外脆内软，酸甜味道好开胃，而且食得出唔系用罐头菠萝，好有口感。Overall黎讲，价钱系偏贵，CP值唔算好高，不高胜在份量同埋打卡值都好高，连中菜都咁打卡，真系好癫。