愛文生

营业中

休息中

边个话麻甩佬先可以食大排档㗎？咁啱𠮶日同朋友试完兄弟衫既然咁大班人，所以就决定食爱民生。唔知点解觉得爱民生好似愈嚟愈好食，今次人多多，叫左超多𩠌。避风塘虎虾 $208Stir-fried Prawns in The Typhoon Shelter Style啲虾超级弹牙，只只都有咁上下大小，而且避风塘啲味入哂只虾到。椒盐炸鱿鱼 $138Deep-fired Squid & Pepper Salt 炸得非常之好，而且啲鱿鱼，炸完之后冇缩到个尺寸，份量超级多。豉椒炒蚬 $108Stir-fired Clams with Black Bean & Chilli Sauce呢度炒嘅蚬大部份都开晒口，唔似出边有好多都唔开口，粒粒肉都好弹牙。避风塘炒蟹 时价 ⭐️⭐️⭐️⭐️Typhoon Shelter Crab我觉得避风塘一定系配蟹食，所以呢个系必点嘅，而且呢个份量都好多，最重要啲避风塘配料一定要捞碗白饭食，唔好浪费咗抽得咁好味嘅避风塘配料。以爱文生呢个价钱真系好抵食，最紧要一大班人一齐食，啲份量好足够，叫埋啤酒就最爽。