年香園

营业中

休息中

终于可以去到鲤鱼门，依个位真系好吊脚，不过今次唔系食海鲜，而系去行山。本来谂住去完石矿场之后就上魔鬼山。但系你之前search过吓有啲咩嘢食，就见到有几间老饼家。又唔想买完之后拎住行山，最后都系冇上魔鬼山，破完林之后返番落嚟买。落到嚟嘅时候已经17:00，实在有啲饿。呢一档本身都系目标想买鸡仔饼，点知佢有其他嘢可以自己拮黎食。咁就试吓佢啲肉干，猪肉干有啲爽，不过我最钟意啲刺激少少，就系个香辣牛肉干，个种辣唔系麻辣，好似浸过啲潮式辣椒油再烧，辣得来系几过瘾。我觉得好食过澳门𠮶啲肉干。跟住又食埋佢款合桃，唔太甜亦都好香。另外款鸡仔饼，唔会有肥猪肉，但有少少南乳嘅香味。如果唔钟意食太浓嘅朋友，呢个系一个唔错嘅选择。最后买咗呢三样嘢返屋企俾爸妈试。