皇室宴會廳

营业中

休息中

去迪士尼玩，餐厅有几间选择皇室宴会厅就系旋转木马隔离，几容易揾，而且座位多，好快就揾到位。睇啱想食咩，就可以去排队买嘢食，原来每一间都有得买儿童套餐，今次就买咗人参鸡套餐同埋儿童餐。仲有唔同小食可以选择。儿童餐有鸡扒配白饭、粟米、曲奇饼、芝士蛋糕同埋一支水，小朋友见到米奇形状嘅饭同曲奇饼都好开心，份量正常餐盘可爱，几啱小朋友食。人生炖鸡套餐除咗有人参鸡汤之外，仲有泡菜、白饭同埋年糕，配一杯饮品。人参鸡汤味道几好，中间仲有糯米，鸡已经炆得好腍，就咁就可以撕开嚟食。成个餐份量都几多，好饱。总括黎讲，皇室宴会厅地理位置方便，选择虽然唔算多，但系都几啱食，除咗得主食之外，仲有小食选择，拣完嘢食之后埋单记得出示会员证或者餐券。系迪士尼嚟讲已经算系一间性价比几高嘅餐厅，玩到攰可以食吓嘢休息一下也不错👍🏻。