渝痴漁醉 (已結業)

想食辣野，马鞍山都唔系无选择，经过伤心酸辣粉，准备走入去，但俾隔离个水牌吸引左，烤鱼，鸡煲?但入口得一个，就系伤心酸辣粉个入口，但招牌明明写渝痴如醉，妈，我好乱啊！入到去原来两个铺位打通，估计系同一个老细，全低后点菜，叫左烤鱼，店员问要咩辣，我贱内话要中辣，店员有稍微提醒，第一次试小辣就好，最后决定要小辣，再加个手撕鸡捞面，水牌个样好吸引。鱼一上枱，麻辣味最为明显，香气扑鼻，鱼肉好鲜美，新鲜鱼无误，鱼皮有少少焦，食落香口，真系有烤过，面头有啲黄豆，炸过，香脆，小辣明显辣味不足，食得辣既朋友可以试中辣，整体高分，cp值高。呢个手撕鸡捞面其实就系用左口水鸡个酱黎捞，味道唔错面条够冰冷，我叫左中辣，整体味道好，但红油太多，口感好肥腻，要扣一扣分。