唐坊火鍋私房菜

✨🌠日前陪朋友去试左一间火锅私房菜，餐厅位于23楼高层，大部份枱位都系靠窗而设，可以一边食嘢一边欣赏迷人嘅城市夜景，好舒服宁静！😋我钟意佢哋嘅冬瓜瑶柱锅，汤底足料，煲滚后非常清甜消暑，打边炉前一定要饮多两碗呀！👍🏻火锅材料新鲜好味，尤其系手切顶级鲜牛，肉味浓郁咬感十足；鲜鲩鱼腩厚切肥美；顶级三宝丸入口多汁弹牙，绝对系高水准；黄金酥脆嘅炸响铃，沾满蛋黄酱同芝士，真系无敌好味！😉我仲第一次试佢哋嘅豆腐纸，长条形状而且超级薄，质感同腐竹好似，带少少甜味，非常独特，值得一试！❤️餐后仲送左糖水，牛乳椰汁雪燕好养颜滋润，为呢餐火锅画上完美嘅句号！