Haveli Authentic Indian Restaurant (已結業)

食印度菜唔一定要去重庆大厦，原来天后呢间Haveli Authentic Indian Restaurant都唔错！平时好少会专登去揾咖哩，就算食都会去尖沙咀，不过今次住天后的朋友仔介绍呢间俾我，仲话有肚皮舞可以睇，咁就去试下。6点左右到左，餐厅都唔系太多人，到7点之后就慢慢多人入座，但环境都唔会好嘈。先黎免费的印度胡椒脆饼，洋葱汁、薄荷汁、蒜蓉酱、蕃茄蒜蓉，我自己就比较喜欢绿色的薄荷汁，入口非常清新，成个口腔感觉Fresh，为食咖哩做好准备。总共点左4个咖哩，全部都用银色小锅盛住，仲有小蜡烛系底加热，唔会食食下冻左，非常贴心。咖哩味道浓郁，其中一锅系杂菜咖哩，亦系我最爱，有薯仔、椰菜花、豆角、甘笋、蕃茄等，煮得软绵绵但又唔会烂哂，每件菜都非常入味，食完一啖又再一啖，停唔到口。仲有一个系Masala鱼，呢个香料味比较重，但咖哩入口又好顺口，唔会觉得有粒粒，应该系香料磨得好细。鱼肉好嫩滑，本身就有少少咸味，加埋香浓的咖哩好正！另外一提，咖哩唔会好辣，个人觉得适中。老板介绍的烤饼，一个原味一个蒜味，我比较喜欢蒜味，入口烟烟un un，最后仲encore多两份，点咖哩汁真系好正！