大榮華圍村菜 (已結業)

一大班朋友食饭，又想简单又要丰富，最好就系叫套餐。个名都特别，叫即食迷你九大簋。即食意思应该系快，叫了立刻送上一桶猪油捞饭及苹果醋。服务员好快手帮我地十位换了公鸡碗。𩠌菜好快上齐，样样细细碗，咁多𩠌，饭都食多左，唔知系咪因为猪油香。陈皮豆豉虾，好香好入味，杂锦炒菜丝，劲多粉丝，炒得干身又香口。蚝油炆北菇，大大只好有咬口，而且炆得好入味。其他都系一般酒家小菜，冇乜特别。虽然座位迫迫地，但服务好好，我地加了半打红豆半打奶黄的水晶包，上菜前，服务员见蒸了一打都是红豆，自动退回厨房做过，劲细心。