牡丹咖啡

营业中

休息中

下午茶时间最岩食件蛋糕，饮杯咖啡。牡丹咖啡属于迷你小店，只有十几张櫈，大家都坐得好亲近😂虽然呢度细左啲，但咖啡，轻食，甚至蛋糕选择花多缭乱，要慢慢谂下食啲乜好。我就几钟意呢个组合，☕玫瑰鲜奶咖啡🌹&日本柚子芝士蛋糕。 Rose latte清香玫传入鼻中，而且咖啡冇多余糖份，淡淡既咖啡，完全满足我呢个咖啡瘾发作而又病紧中既病人🙊始终病😷唔好饮太浓烈咖啡会好啲。柚子芝士蛋糕微酸清甜，芝士不腻，每层分布平均，而且柚子味浓，入口清新，如何可以不爱它?😍比利时香橙朱古力蛋糕用左75%黑朱古力整，所以比一般朱古力蛋糕冇咁甜，带少少朱古力本身既苦涩，而香橙，冧酒等既调味令蛋糕更加香滑，唔会偏重朱古力味。三款蛋糕之中，英式蜜糖姜蛋糕望落最平凡，但平凡里有灵气，蛋糕除左松软之前外，而且丝丝姜蓉唔令人讨厌，令我谂起以前阿妈买比我食既姜糖味道。呢种姜当然唔系辣到飞起果种，类似平时食糖水果种姜丝味。混合蜜糖后，姜丝无比清新，令人心旷神怡。下午茶少少既享受，来个鹅肝酱多士。轻轻搽上鹅肝酱系多士上面，平均咁扫匀，慢慢品尝。鹅肝酱食落有啲似中秋节月饼中既蛋黄味，滑溜但唔似蛋黄咁油，浓郁既鹅肝既脂肪，食完会想再食。