影片
更多
2016-01-08
700 浏览
层经有同事大赞依度既意粉好得，服务又好，但一直都无机会，今日终于有缘试试喇。原来两年前我黎试过架，真系完全无印象，直到睇返 facebook 相簿先稳约记起乍，可想而知食完都唔会有难忘既感觉啰。幸运地黎到唔洗等可以即时入座，不过要搭枱呢，有个四眼仔食完仲要慢慢叹住杯热咖啡打机唔肯走。系红磡广场里面每个舖位都几细，刻咖啡都不例外。现时放左约十张二人方形细枱，迫迫夹夹，真系坐得唔多舒服架。有一个阿姐一个阿叔做侍应，服务中规中句啦，又唔系话特别有礼貌、又唔系特别热情。除左 set lunch 外，仲有常餐㖞，但要三点后，无机会试咯。见今日除夕，就特别地跟同事们出去食个靓午餐啦，平时我绝大部份时间都系一个人食，贪快麻。餐饱，叮完翻热先上枱，热辣辣几好，夹埋成块牛油一齐食，味道合格。 意大利杂菜汤，坚好味 ﹗够香又够辣够，特浓蔬菜及蕃茄味道，连渣连汤全部食晒。 南瓜汤，黄肉既南瓜汤，我唔食南瓜又唔喜欢食甜的，试试无妨。好采刚好依个汤完全唔甜，反而有香浓鸡汤味道，质感跟味道都似忌廉鸡汤多于南瓜汤啰。青酱大虾意粉，卖相非常中派，大兜乱唔多讨好。睇 menu 中文好难明白青酱点解？原来系 pesto
系红磡广场里面每个舖位都几细，刻咖啡都不例外。现时放左约十张二人方形细枱，迫迫夹夹，真系坐得唔多舒服架。有一个阿姐一个阿叔做侍应，服务中规中句啦，又唔系话特别有礼貌、又唔系特别热情。除左 set lunch 外，仲有常餐㖞，但要三点后，无机会试咯。见今日除夕，就特别地跟同事们出去食个靓午餐啦，平时我绝大部份时间都系一个人食，贪快麻。
餐饱，叮完翻热先上枱，热辣辣几好，夹埋成块牛油一齐食，味道合格。 意大利杂菜汤，坚好味 ﹗够香又够辣够，特浓蔬菜及蕃茄味道，连渣连汤全部食晒。 南瓜汤，黄肉既南瓜汤，我唔食南瓜又唔喜欢食甜的，试试无妨。好采刚好依个汤完全唔甜，反而有香浓鸡汤味道，质感跟味道都似忌廉鸡汤多于南瓜汤啰。
青酱大虾意粉，卖相非常中派，大兜乱唔多讨好。睇 menu 中文好难明白青酱点解？原来系 pesto 香蒜酱。加入松子同青酱一齐炒真的生色不少，又有创意，味道更香口更丰富。大虾盐腌再啤水，我最讨厌 ﹗口感十分假，虽爽但质感怪怪的，完全无虾味无海鲜味，死实无生命 ﹗意粉处理得还可以，但无同事口中那么出色。原本我都系想叫青酱大虾意粉，但同事先 order 左，我又唔想食牛咁闷，最后决定𫚭鱼柳大家 share 可以试多一点麻。
扒𫚭鱼柳意粉配香草汁，个汁非常厚非常杰，浆住既感觉好少见。食落有超浓郁忌廉味道，依个汁真系唔错，可以加分，不过食唔到香草味呢。香草汁份量太少，根本唔够同时满足意粉同鱼柳呢，最后有点干哽感觉。香煎𫚭鱼柳，表层调味重手左，虽则煎得香脆，但略咸。里面嫩而带肉汁，先煎封鱼柳锁住水份与精华，做得好好。遗憾地外层太咸而里面太淡，好需要刚才那个香浓香草忌廉汁配合及 balance 一下。意粉质感滑而咬落弹牙干爽，无过火亦无过生，好满意而且比刚才炒意粉更好。
美国西冷 3 成熟跟意粉，外观方面有花点心思，卖相及颜色都吸引。意粉干爽很喜欢，幼身弹牙有嚼劲，不过湿不过腍。烧汁只有几滴，太过少喇麻，意粉唔够汁又无调味，结果味道有点单调，先用橄榄油炒炒会更好。有惊喜㖞 ﹗ 高质西冷扒味煎得香气扑面，厨师掌握时间及火喉刚刚好，3 成 rare 真系唔易控制架。
系中间㓥开检一检先，very nice ﹗鲜红嫩肉，滑溜多汁。外层煎得香口惹味，浓厚牛肉味徘徊齿缝舌头间久久不散。质地棉中富弹性，不干不硬芥辣几有趣特别。辛辣直上鼻孔，好鬼 hight。可以配温和一点既蜜糖芥辣，效果会更舒服宜人。 伴碟既豆苗、蜜糖豆、车厘茄、脆肉瓜亦都不甘示弱，全部新鲜香甜，半件都不漏食晒落肚，清爽美味呢。冻斋啡好香即礳咖啡豆味道，跟茶餐厅完全两回事，有质数。
南瓜汤
32 浏览
0 赞好
0 留言
青酱大虾意粉
28 浏览
0 赞好
0 留言
扒𫚭鱼柳意粉配香草汁
23 浏览
0 赞好
0 留言
餐饱
16 浏览
0 赞好
0 留言
意大利杂菜汤
12 浏览
0 赞好
0 留言
美国西冷 3 成熟跟意粉
15 浏览
0 赞好
0 留言
美国西冷 3 成熟跟意粉
11 浏览
0 赞好
0 留言
美国西冷 3 成熟跟意粉
20 浏览
0 赞好
0 留言
张贴
