泰鳩

营业中

休息中

今日嚟到油麻地一间泰国餐厅，本身因为名字被吸引，后来先知原来系香港天团Mirror嘅成员开嘅，成间餐厅好多alton嘅相，钉子一定劲开心，我都见到好多人都有带埋公仔嚟影相，所有食客对大家都好友善，感觉真系好亲切。一系餐牌第一样已经好想叫青咖哩慢煮牛肋骨，见到需时大约30分钟，所以即刻落咗单先，后来上枱嘅时候我哋全部人都话咗一声，份量超大，加埋热辣辣嘅青咖喱酱汁，用嚟打卡一流，牛肋骨肉质都好正！之后第二样嘢嘅就系风靡全部泰国嘅火山排骨，其实就系猪脊骨加埋啲泰式辣酱，整体食一定要带手套食，咁先食得出地道风味！蚝仔饼卷其实就系奄列包住劲多超肥美嘅蚝仔，外面脆脆口，入面好香滑！黄金虾饼炸得超级松脆，虾滑亦都好弹口。烧猪颈肉份量都唔细，点埋佢个辣酱，真系劲好食。菠萝海鲜炒饭用嚟打卡一流，当然味道都唔错啦！甜品方面，就叫咗个经典嘅芒果糯米饭，超级无敌甜。另外都叫咗一份千层糕，一共有五件，好chewy。饮品方面就叫咗椰青、翠绿湖同椰青雪山，全部都好清凉，夏天呢个天气饮真系好适合。