影片
更多
2024-05-28
378 浏览
西餐厅空间感十足，楼底十分之高，有用吊灯同埋镜做装饰，令人置身其中完全冇压迫感，枱与枱之间嘅距离亦都适中。餐牌有好多唔同嘅选择，而且价钱合理，餐厅最近做紧优惠， 点主菜加$18有酥皮龙虾汤，啤酒买一送一等等优惠，梗系唔好错过啦。酥皮龙虾汤，虽然系做紧优惠价已经可以饮到，但系龙虾汤嘅质素依然好高。酥皮焗到黄金嘅色泽，非常诱人。而龙虾汤味道非常浓郁，里面亦都有唔同嘅海鲜配料。鹅肝配多士嘅食材质素非常之高，鹅肝厚厚一片，而且非常大件。鹅肝一口咬落去充满油脂嘅香气，而且亦都冇根，配合埋酸酸嘅酱汁，令人唔会太过腻。推介大家过嚟试一试。另外，系餐牌见到有白鳝串烧，就试一试新嘢。令人惊喜嘅系白鳝新鲜而且非常厚身，加埋浓郁嘅酱汁，味道非常之好。冇谂过喺居酒屋以外嘅呢一间西餐厅可以食到质素咁高嘅白鳝串。唔少人嚟到呢间餐厅都会嗌嘅脆皮烧乳猪，点完食过之后终于知道点解。乳猪望落去就已经知道佢系非常之脆身，咬落去除咗食到皮嘅香脆之外，亦都食到肉嘅甘香同埋油脂嘅甘香，而且厨师已经去咗骨，令人食落去就更加方便。碟上亦都有两只酱汁可以配搭，一只系微微嘅辣酱。另外一只系甜酱，两款酱配搭令乳猪又有唔同嘅感觉同埋味道。意
餐牌有好多唔同嘅选择，而且价钱合理，餐厅最近做紧优惠， 点主菜加$18有酥皮龙虾汤，啤酒买一送一等等优惠，梗系唔好错过啦。
酥皮龙虾汤，虽然系做紧优惠价已经可以饮到，但系龙虾汤嘅质素依然好高。酥皮焗到黄金嘅色泽，非常诱人。而龙虾汤味道非常浓郁，里面亦都有唔同嘅海鲜配料。
鹅肝配多士嘅食材质素非常之高，鹅肝厚厚一片，而且非常大件。鹅肝一口咬落去充满油脂嘅香气，而且亦都冇根，配合埋酸酸嘅酱汁，令人唔会太过腻。推介大家过嚟试一试。
另外，系餐牌见到有白鳝串烧，就试一试新嘢。令人惊喜嘅系白鳝新鲜而且非常厚身，加埋浓郁嘅酱汁，味道非常之好。冇谂过喺居酒屋以外嘅呢一间西餐厅可以食到质素咁高嘅白鳝串。
唔少人嚟到呢间餐厅都会嗌嘅脆皮烧乳猪，点完食过之后终于知道点解。乳猪望落去就已经知道佢系非常之脆身，咬落去除咗食到皮嘅香脆之外，亦都食到肉嘅甘香同埋油脂嘅甘香，而且厨师已经去咗骨，令人食落去就更加方便。
碟上亦都有两只酱汁可以配搭，一只系微微嘅辣酱。另外一只系甜酱，两款酱配搭令乳猪又有唔同嘅感觉同埋味道。
意粉方面，点了松叶蟹柳明太子汁意粉。非常喜欢呢间餐厅嘅调味非常适中，唔会过咸盖过食材本身嘅味道或者过淡，呢个意粉就系当中嘅表表者。
黎呢间西餐厅，咁梗系要嗌返杯啤酒同朋友一齐𣈱饮啦。呢间餐厅食物质素咁高，而且又有饮品优惠，真系非常适合一大班朋友嚟聚会。
张贴
