必勝客 (已結業)

同朋友喺MK做完嘢后决定食埋饭先走，不过林林种种一时之间真系谂唔到食乜好，最后个个好似好耐无食过Pizza，就去Pizza Hut回味吓。电视近来大卖「芝脆堡垒批」广告，难得嚟一次又唔想谂食咩，所以就直接叫咗「芝脆堡垒批4人套餐」。套餐有四杯餐饮，可以选平时咖啡、奶茶，都可以选择无限添饮嘅汽水。餐汤都系基本嘅「红汤」意大利菜汤同「白汤」蘑菇忌廉鸡2款，不过味道相当一般，而且唔算热。烟三文鱼凯撒沙律 ，份量不多不少四个人刚好，烟三文鱼味道唔错，配上蔬菜同法式硬饱条口感丰富清新。酥脆蝴蝶虾 ，睇落几靓，但味道好一般，无咩虾味，只FEEL好炸野嘢嘅脆感同热气。秘制鸡槌 ，味道香口惹味，带少少辣，比炸虾好得多！大虾帆立贝芝脆堡垒大批 ，皮厚料少，虽然系特别出品，但味道真系好一般，只在份量取胜。意式鲜虾蚬肉焗饭 ，极酸！而且有生米，完全入唔到口啊！鸡肉烟肉意粉配拿破仑汁 ，见到拿破仑汁以为唔会出事，点知都系撞咗，两碟主食都系茄汁，酸到喊出嚟！太耐无食，始终都系觉得意粉屋好得多，Pizza Hut？都系Party时叫外卖算。