南記飯店 (已結業)

好耐无黎食，早几年真系个个礼拜黎咁滞，后来成日无位就少左黎。寻晚再黎有位，虽然而家太子爷打骰，但仍然维持以往装修，无点大执过，台仍然几迫。坐落叫左半只咸鸡，一碟椒盐九肚鱼，一碟豉油王鹅肠，一窝蚝仔粥。鸡仍然同以前咁上下几有鸡味，肉就鞋左少少，半只既份量唔少，无坊间个D奀支支得十零件又话半只咁差，椒盐九肚鱼系我至爱，呢到既九肚鱼好大件，唔似出面白饭鱼咁细，肉又滑。豉油王鹅肠用芽菜底索晒D豉油好咸，鹅肠亦系急冻货，下次可以唔叫。成晚个蚝仔粥最差，料少过以前好多之余，粥又好淡下，D鱼干仲好硬同大块，煲得唔够火候，而且份量少左好多。整晚最好食都系九肚鱼同鸡，不过埋单两旧几好抵食，怀旧完可能又要隔好耐先再黎啦。