聰嫂私房甜品 (已結業)

一个好食既甜品系可以为星期五画上完美句号。今个星期五一行８人难得约到入坑口食饭，当然唔小得要去聪嫂揾榴梿猪啦！夜晚１０点几８个人去，要排队都预咗，好彩都只系排３，４个字，比想像中快！入到去我地基本上都吾洗睇餐牌，落左７个榴梿水晶珠，１个龙眼椰果冰。甜品照旧好快就到，个个碗都好似岩岩洗完仲湿，另外仲痴住啲出单纸，不过who care?!榴梿猪一到，最重要系睇面头既榴梿肉多吾多，即使吾多，都要睇个份量正吾正常。点知今次见吾到啲肉，得啲珠同冰。我系度谂系咪多人嗌就会分薄左?定系觉得我冇黎食过?定系转左整法??7碗都咁,想点?友人话都唔系冇既，佢混埋入啲冰度姐，是但啦！望住出面企咁多人排队，大家都想食完快啲走，因为太迫，坐得又唔舒服，所以冇叫佢换。帮衬会继续帮衬既，但下次要食龙眼水晶珠，友人话好够味，又够料！重要平过兜冇肉既榴梿水晶珠！