王家沙 (已結業)

第一次去食，觉得味道唔错。直到上一次好似半年前，已经觉得唔好食。但友人坚持想食小笼包，喺又一城无其他选择下唯有再俾一次机会王家沙。叫咗一个肉丝两面黄，一嚟到个卖相已经唔吸引，面同肉丝分开上，肉丝汁唔够十条肉丝，其余系红椒青椒牙芽之类。个面系福面咁嘅味，估唔到叫个两面黄可以食到公仔面......另外必食嘅小笼包，睇落层皮好干身，皮唔薄，馅亦唔靓，味道好一般到唔一般，似酒楼划点心叫小笼包食嘅味道，唯一可取嘅系小笼包入面有汤。侍应嘅态度更系亮点，坐底𠮶时问佢唔要花生系咪可以唔收花生钱，佢一句都无回应，然后行开咗，再转头返嚟攞走碟花生，喺落单纸上写免花生三字，亦无讲一个字又走咗。之后麻烦侍应加水，侍应明明见到，侧头扮见唔到，另一个就扮听唔到，要故意大声同佢讲，佢先"听"到。全场唯一比较好礼貌系落单𠮶位侍应.......