影片
更多
2015-01-06
1377 浏览
禾牛荟, 系我一向打边边嘅至爱. 话说自从有朋友几年前带我食禾牛荟, 一食发现超好食呀, 有好多特色汤底同特色食物. 之后数年间每年例必番桌几次, 亦介绍左同带左好多FD去, 个个都话系贵, 但系好食! 尤其是九龙城总店!今个冬天第一次去, 本来谂住一定会写一篇笑脸嘅食评, 点知食完后变左喊面, 仲要我同d FD (就系第一次带我去果d)都觉得以后应该唔会再去了...我系之前一日订位的, 本来重惊住会冇位因为系食星期六不嬲知佢好full, 好彩都订到. (不过去到就知点解了... 星期六晚我地食 ~18:30 - 21:00, 成晚连下层都坐唔满... 而下层只得唔够十张枱...)讲番野食, 我地叫左:瑶柱火腿冬瓜汤 $98菜干猪肺汤 +$30特级手切肥牛(例) $168滑鸡件 $58猪红 $35意式牛肉饺 $52鱼皮饺 $48脆鲩片 $58脆炸响铃卷 $68白牛柏叶 $38炸鱼皮 $38三菇拼盘 (秀珍菇,鸡脾菇,鲜冬菇) $68金菇 $32粟米 $32滑豆腐 $28唐生菜 $35油麦菜 $35蜂蜜芦荟特饮(咁上下名) $45茶芥 $18/人以上 + 10%系咪见到d野食好清呢, 其
今个冬天第一次去, 本来谂住一定会写一篇笑脸嘅食评, 点知食完后变左喊面, 仲要我同d FD (就系第一次带我去果d)都觉得以后应该唔会再去了...
我系之前一日订位的, 本来重惊住会冇位因为系食星期六不嬲知佢好full, 好彩都订到. (不过去到就知点解了... 星期六晚我地食 ~18:30 - 21:00, 成晚连下层都坐唔满... 而下层只得唔够十张枱...)
讲番野食, 我地叫左:
瑶柱火腿冬瓜汤 $98
菜干猪肺汤 +$30
特级手切肥牛(例) $168滑鸡件 $58
猪红 $35
意式牛肉饺 $52
鱼皮饺 $48
脆鲩片 $58
脆炸响铃卷 $68
白牛柏叶 $38
炸鱼皮 $38
三菇拼盘 (秀珍菇,鸡脾菇,鲜冬菇) $68
金菇 $32
粟米 $32
滑豆腐 $28
唐生菜 $35
油麦菜 $35
蜂蜜芦荟特饮(咁上下名) $45
茶芥 $18/人
以上 + 10%
系咪见到d野食好清呢, 其实我地好钟意呢度(以前) d汤底好够味, 我就最钟意落滑豆腐, 响铃呢d吸味嘅野食用黎吸d汤底, (以前)系超级好食的! 每次最后都会加order起码2个滑豆腐 & 2个响铃 (3个女仔食渣㖞 XD), 反而牛呢d本身浓味野就唔多好, 觉得会盖过汤底嘅味道.不嬲最钟意菜干猪肺汤因(以前) d汤底真系好似系屋企阿妈煲靓汤一样味! 呢个汤底最适合打到中后期"毕"黎饮因d菜干同猪肺出晒味. 我FD最钟意冬荫功汤底(不过今次怕热气冇叫), (以前)同去食泰国野饮到嘅一样味, 重好多虾系汤里面, 呢个要一开始就饮, 唔系会唔同晒味! 好啦讲番今次d 菜干猪肺汤同瑶柱火腿冬瓜汤, 个菜干猪肺汤系完全冇咸味的!! 我怀疑佢唔记得落盬... 真系只得少少菜干煲左水嘅味 >_< 个瑶柱火腿冬瓜汤有少少咸味, 但应该系d瑶柱同火腿嘅咸味, 都系冇落盬... 我同FD一试后都不禁心里一沉, 点解d汤底冇味嘅, 以前唔系咁架!!! 好失望呀不过冇办法... 唯有希望打打下落左食物会有d味(不过最后都系冇味嘅... 因佢煲到冇汤时帮我地唔系加汤, 系加水... 所以只会愈来愈淡... 愈来愈淡... 救命呀! >_< )
食物方面, 除左味道正正常常的来货食物冇咩要评外, 佢d野食:
肥牛: 系唔似手切, 似机切因为d切口好整齐, 好韧一d都唔嫩嘅... 食剩左半碟 >_<
滑鸡件: 又系好韧, 以前真系好滑的说... 因系我叫的我食左3件... FD都唔肯食...
猪红: 似食紧橡胶, 因系我叫的我食左2粒...FD都食左一啖就放弃...
意式牛肉饺: 以前好好食的, 好似食紧肉酱意粉d肉酱, 今次味道都同以前差唔多, 但d馅好碎, 我怀疑佢唔记落生粉/蛋白果d落d馅度等佢结实d所以好碎...
脆鲩片: 唔系脆鲩... 系硬胶鲩片... 只落去煮到刚熟都好硬... 又系我叫的唯有食左4片... 好难梗...
脆炸响铃卷: 正常好食, 不过好似比以前细卷左??
炸鱼皮: 唔知系咪来货, 但好碎湿湿, 最大果片都系得 2cm x 2cm... 又好淋唔脆... 搞到冇心机食, 食左几片放弃左成篮 >_<
唉... 食完后我同FD都话成晚都只能靠点个豉油酱黎加味, 唔系真系淡如水... 其实真系唔想写喊面的食评, 要花多好多功夫而且一定唔会攞到编辑大大A+推荐...
食左 $380/人都唔平, 不过黎禾牛荟预左$500+ (因平时仲会加叫特色食物同海鲜, 今次见佢d汤底同食物咁就算把啦...), 系冇谂过退步左咁多... 好灰...
张贴
