拉麵小町

营业中

休息中

又系帮衬屏山老地方嘅周日，不过今日黎迟咗少少，一到十二点半门口即刻成堆人企喺度等位，今日特别肚饿得黎又唔系好想等，谂住退而求其次，试下邓达智，但系佢竟然装修，返去攞车嘅时候经过呢间拉面店，就唯有退而求其次次啦。煎饺子味道唔错，个皮都好薄，上枱𠮶刻都仲系㷫口既，难得。猪骨拉面，汤底味道略嫌淡咗少少，味道无张相睇落咁浓，面质好好，爽口弹牙，块叉烧确实系好 out standing 既，入口即溶，松化肥美。鸡翼32蚊有四只，味道都几好，有阵特别嘅香料味，餐厅细心剪开鸡翼，卖相无咁寒酸之余单骨食亦方便好多。内里装潢尚算骨子，不过逼得要命，有少少食车仔面既感觉。虽然无乜致命负皮，但系又揾唔到番兜既理由。另外不得不提斜对面𠮶间公厕，个门口装横唔错，值得去探访一下。