拉麵小町

营业中

休息中

終於有機會到店，店面細細，只容納到大約18人，一旦滿座，就要在門口餵蚊等埋單。點了醬油拉麵及鏗魚湯柚子塩拉麵加一客餃子。反而餃子十分驚喜。兩個拉麵只能用不過不失形容。

係香港成日都食到啲偏濃味嘅拉麵～食完通常都好飽好滯，如果上一餐食咗啲重口味嘅嘢就唔會想食🙈呢間嘅鰹魚湯柚子塩拉麺絕對唔會有呢個問題，食落去超級清新、輕盈。食晒成碗都唔會膩！佢嘅全部拉麵都係非常高質！今次淨係影咗其中一種，但其實基本上佢每一款我都食過，都係好食嘅！推赤味噌拉麵同鰹魚湯柚子塩拉麺！下次再去影埋其他俾大家睇！鰹魚湯柚子塩拉麺 $88👍🏻👍🏻👍🏻今次同朋友都點咗呢一碗。前一餐食得比較重口味，想食個清小小嘅！清得黎又好食嘅拉麵真心香港都好難搵！呢款真係啱啱好，佢嘅鰹魚湯真係超級清甜，加埋個柚子味好清新。配埋個慢煮肩肉盛味白叉燒，一流。食到一半試下記得加埋七味粉，更加帶出個湯底嘅味道。赤味噌拉麵 $98 👍🏻👍🏻👍🏻鍾意食濃味拉麵嘅朋友千祈唔好錯過！平時我一定係叫呢碗！重口味之選🤣超級濃郁加埋少少辣冇得彈😤仲有2塊叉燒同溏心蛋，食拉麵一定要有隻溏心蛋先開心🤣天水圍真係冇咩好食嘅拉麵舖😂點都要出元朗或者屯門先食到好啲嘅～呢間簡直係欣物！佢係喺屏山入面嘅一間隱世小店，天西或者坑尾村過去5分鐘就到。不過要行啲小路，有一種去咗第二個世界嘅感覺🤣成間舖都俾人好舒服嘅感覺！

/最近發現左一間好隱世既拉麵小店🍜藏身係元朗村口～ 隔離仲有佢哋既專屬停車場🅿️ 店舖雖小但好精緻，未開門就已經見到有人係到排緊隊！-🥢蕃茄拉麵好小可會見到有蕃茄拉麵就決定試下🫣就咁望個湯色水好似麻麻地，但食落蕃茄味道都幾濃而且偏傑身，有啲清新既感覺！麵質冇得選擇，偏硬身都幾彈牙！溏心蛋生熟度啱啱好😋一咬開就流晒蛋汁！🥢醬油拉麵醬油湯底好濃郁！叉燒薄切肥瘦適中，比較軟琳琳一夾會散，仲有種入口即融既感覺！🥢山椒雞翼有驚喜！即叫即整上到枱勁熱勁脆！😋有啲檸檬香同少少辣少少麻既感覺🥢凍豆腐我一直都好中意食豆腐🥰 呢隻日式凍豆腐用鰹魚醬油汁浸住，好清新又解膩😚🥢凍秋葵秋葵係男朋友既愛🤣 不過比較普通

聽聞呢間小店又話隱世…又話要排隊剩剩咁樣今日15:xx 黎到泊好車好彩地唔使排隊直入佢都有幾多口味既拉面友人叫左白味噌拉麵 HKD 98我就係鰹魚湯柚子拉麵 HKD 88面嘅口感，有啲彈牙不過有啲似我係DONKI / 一田買果啲凍拉麵我果碗湯底係有淡淡柚子味…不過成件事真係好清好健康連嗰塊叉燒都瘦過我朋友嗰碗鍾意食濃味野嘅人千祈千祈唔好點另外友人嗰款就對板好多啦塊叉燒好肥美，入口即溶嗰隻奶白色嘅湯底，味道溫和醇厚小店嘅位置唔係好多，所以難怪高峰時間係要排隊嘅唯一可取嘅地方係方便揸車人士泊低車食拉麵

次次假日路過都見排隊既拉麵店星期六7點左右經過見唔駛等位，就試下啦。入到去真係好少位，大約15個位左右坐落真係想轉身都難。仲要講到明『請一次性落單』哈哈～都無咩野選擇，所以都無難度最後都係一人一碗拉麵算白味噌拉麵（叉燒2塊＋糖心蛋1隻）湯底唔錯，但食到中段會開始覺得漏叉燒唔錯夠淋，但好薄拉麵既麵身真係無想像中咁彈牙溏心蛋得少少糖心其餘兩碗 只係湯底唔同😅鏗魚醬油拉麵（叉燒2塊＋糖心蛋1隻）湯底淨係食到醬油味紫菜唔太夾個湯底赤味噌拉麵（叉燒2塊＋溏心蛋1隻）感覺一般，完。食後感，真係唔明點解食評讚到咁誇張，性價比唔高，可能我地三個唔識欣賞。

屏山有間隱世小店，係正公廁對面，入面雖然細但裝修幾精緻，有種溫馨感覺，廚房似係由2公婆主理，加埋一個店員。佢有設車位但位置唔多，如果揸車就早小小黎，因為車位、店入面都要排隊。🍜 豚骨魚介湯塩拉麵 $80★★★★☆呢個拉麵以豚骨魚介做湯底，一碗有兩塊大叉燒同一隻溏心蛋，大家仲可以按自己喜好加蔥、加底、溏心蛋等。呢個湯底質感幾濃厚，但又唔會太咸，入口係舒服，食完哂成個拉麵都唔會好大負擔。值得一讚係個拉麵，個質感絕對令我喜出望外，佢唔係重了蛋香味，但係好爽口有彈性，加埋個帶濃厚湯底都掛到汁。拉麵仲配左2大塊半肥瘦嘅叉燒，脂肪部分入口即融，加埋燒得微焦的邊，食落唔會肥膩，仲有陣好香嘅煙燻味道。溏心蛋個熟度烹調得啱啱好，一入口入面流心，而且個調味都剛好！如果好似我咁去日本食當地好出名嘅拉麵會覺得太膩頂唔順，咁呢個啱哂你，佢會比較輕盈Light啲！🍜 鰹魚湯柚子塩拉麵 $80★★★☆☆呢個拉麵會再比豚骨魚介湯底塩拉麵清新同輕盈啲，一入口就有鰹魚湯味道，但隱隱會帶啲啲柚子嘅清香同埋塩味，就咁飲係幾好，但如果用黎配個拉麵會略廉唔夠味道。但真係食完哂成碗都唔會覺得膩口！呢個拉麵會配2大塊慢煮肩肉鹽味白叉

平時都好少入元朗為左呢間隱世拉麵又入去一轉門口已經好多日本拉麵🍜店感覺由餐桌上嘅用具更顯店主心思😊店面其實唔大，但唔算有壓迫感😊(っ◔◡◔)っ♥ 鰹魚湯醬油拉麵♥（2片叉燒同1隻糖心蛋）湯頭並唔係平時好油嘅拉麵湯底鰹魚味好突出，配上醬油鹹鮮適中😋而且麵條Q彈牙掛湯一流👍🏻叉燒方面都唔算肥調味跟湯底好襯😎(っ◔◡◔)っ♥ 鰹魚湯柚子味拉麵♥（慢煮肩肉鹽味白叉燒）呢個柚子味拉麵好清新淡淡鰹魚鮮味濃濃嘅柚子清香連白叉燒都散發陣陣柚子香😋成個湯飲晒都唔口渴證明個湯係冇味精啦🤓雖然拉麵嘅配料好少但質素同CP值都好高地點雖然遠咗啲如果入元朗就試吓啦😎大大推薦🍜🍜🍜

以往都是經外賣平台外送到家吃，今次決定現場光顧。好友帶路到達拉麵小町，刻意在開店(下午5:30)不久到達，因喜歡人少🔰白味噌拉麵$90，走蔥，所謂白味噌即是濃厚的豬骨湯底，配以爽口彈牙的曲身拉麵，當然還有不可或缺的日式叉燒😋😘，而溏心蛋和紫菜也是席上客🔰叉燒薄切，肥瘦適中，仿如入口即溶(軟淋)，就算曾試過軟淋度差點兒，但都不會像坊間某些嚡颯颯的🔰煎餃子$42，熱辣燙口，香脆乾身，也不油膩，每次必吃😍🔰青蘋果梳打$24，顏色吸睛，青蘋果味很出，不錯

大家困住喺香港咁耐，點樣可以令自己有又去旅行嘅感覺？推介屏山半日遊。大家首先可以去行吓屏山文物徑，全場1.6公里，探討屏山鄧族嘅歷史風俗及文化生活。行完之後可以來拉麵小町食lunch。呢度環境樸素清幽，唔講都唔知自己喺香港。店員推介我哋食日本鮮淮山，配紫菜青芥辣汁醬油。淮山好有益，可保脾肺腎。新鮮淮山味道爽口，配上青芥醬油感覺清新。好襯呢度嘅田園風格。再叫咗山椒烤雞翼。單骨雞翼，表面香脆焦香，食落麻麻辣辣地，都幾惹味。另外主食叫咗白味噌拉麵，比較濃味。湯底好Rich， 香濃惹味。配有兩塊叉燒，肥瘦均勻。仲有一隻煮得剛剛好的流心蛋。味道唔錯。誠意推介給大家。😋😋😋😋😋

呢間嘢我未曾食到過，次次叫外賣平台都成功落單，但次次都唔會有嘢食拎到，接左單又話無接，仲話熄左機無接，無接我會收到訂單編號，我張卡會扣左錢，山長水遠去拎，但兩次都話無接過訂單喎，當人傻仔咁玩，總括而言，想去到俾人耍走既就試下囉，食個飯仲慘過乞衣！！！！

放假自駕遊，嚟到屏山食聞名以久嘅小町拉麵感受一下日本風情充滿日式鄉村風味小屋可能時間尚早，泊好車唔洗得好耐就可以入坐。（門口對出小路盡頭可泊少量車輛）驚喜小食新鮮淮山加上wasabi 同壽司豉油，味道十分清新。啱晒夏天食爆汁煎餃😍外皮煎都好香口，咬落去十分juicy 。餃子大小適中，一啖一隻熱辣辣真係好正👍🏻🥰主角登場🥰湯底真係好濃郁，尤其是醬油湯底真係冇得彈👍🏻略帶甜味，令人想一飲再飲。拉麵🍜軟硬同份量都剛剛好。美中不足就係叉燒可以再燒得香啲就更好。整體食物質素都好滿意，一定會再揸車嚟encore

一位樓面的小姐,負責招待客人，開關趟門，包裝外賣，收錢找續，出菜,…..最嚇人的地方，當出湯麵的時候，居然用一對接觸過咁多地方的手去攞紫菜放入湯麵中，當我碗麵出的時候，佢同樣用一對接觸過好多地方嘅手去攞紫菜放入我碗面中，我同佢提出我唔要塊紫菜，因為佢對手摸過太多地方，她先呆一呆，然後同我講佢有洗手，而事實上，我已留意到佢重複出菜時，根本都冇洗過手，竟然仲擘大眼講大話。😤如此衛生情況，平常曰子都不能接受，更何況現在是疫情。

見食評介紹呢間隱世小店，今日就黎試試佢，叫咗個鰹魚湯醬油拉麵，塊叉燒係淋身唔硬，好食的，可惜湯底….似鼓油，唔喊嘅鼓油水味。我諗佢預食客自己加鹽，因檯上放左鹽，胡椒，七味粉…，不過加左鹽都只系覺得飲梗鼓油😖、麵質曲曲地唔似出面食開彈牙嘅日本拉麵，個人覺得麻麻地，另外叫咗一碗鹽味柚子，都系偏淡味，自己加鹽，有柚子味嘅！$80吃呢個淡而無味嘅拉麵，真心覺得唔值，俺流x拉麵真係好味好多 !

週末中午突然想食拉麵，就諗起屏山有一間隱世拉麵小店。揸車去到舖頭附近有地方可以泊車，舖頭開中午12點，去到嘅時候第一輪食客食得七七八八。烈日當下等咗十幾分鐘就可以入座，不過始終郊區地方，下次如果排隊就要幾多帶定蚊怕水🦟🦟入返正題，入座後水杯係自助形式，枱面有餐牌可以寫紙落單。醬油拉麵香濃嘅湯底配上焦香嘅叉燒鰹魚湯柚子鹽拉麵湯底充滿鰹魚同柚子味，柚子味食落口先有少少苦味，但after taste係好香既柚子味。另外會提供柚子七味粉，總體配合唔太油又夠哂味總括嚟講，兩個人一人一碗面已經夠晒食。已經諗定下次要返去食咩味道

天水圍既隱閉拉麵館～～拉麵館位置係停車場同村屋隔離，唔係有人黎過介紹都真係唔會專登黎朝聖🙈。揸車黎既朋友仔可以泊係拉麵館指定既車位。唔好睇佢咁隱閉原來平日2點幾都要等下位。3點後佢地休市直到5點30分先開番。星期一同二休息。本身想食鰹魚湯柚子塩拉麵但唔夠半日已經賣晒…。我地叫左一碗醬油拉麵同一碗鰹魚湯醬油拉面加一客餃子。鰹魚湯醬油拉面個湯底濃郁，每碗有2片叉燒同一隻流手蛋。佢地既叉燒份量唔多但一讚係叉燒入口即溶。餃子細粒但餡真材實料，好味。