大快活 (建康大廈)

营业中

休息中

寻日去左呢间食下午茶，哗！唔知点解劲多人。收银又得一个，所以等既时间仲长过糖街果间。我当然想食烧髀啦，点知卖哂。咁就食西多士配鸡翼，饮红豆冰。点知连红豆冰都无，实在太差啦。我去到水吧居然见到一只只既烧髀，我想食架，但我唔想再退钱咁烦。总之，水吧同收银既沟通唔多够。西多值得欣慰既系，西多系即整既。个边好脆口，又够热。加上牛油同糖浆就更好。但快活既牛油系好难开架，糖浆都系果句，应该换过第二只会好。但整体上都可以既。鸡翼好甜呀，个皮好脆口，肉质都唔错架。冻奶茶落得太多奶，好似饮紧奶水。奶茶都系大家乐好饮。食物就无乜野，但服务就唔得啦。咁多人剩系得一个收银点得架，红豆冰又咁快无哂。佢地预野应该预多小小，咁会好。