金滿堂甜品

营业中

休息中

饭后两口子喺附近行左一阵, 临别秋波之际, 当然要食番个甜品作为送行, 记得喺晚饭时隔离有间甜品店, 于是就行过黎试一试喇!去到门口, 伙计话问坐出面定坐里面, 当然师傅梗系唔坐里面啦, 皆因又热又落雨, 加上师傅又唔煲烟, 所以冇必要坐露天, 于是乎喺门口等一阵, 最后有位就可以入去坐喇!坐底后, 两口子即刻商量下食好, 最后决定要个金枝玉叶同埋红粉佳人!等左一阵两个甜品就摆左喺面前, 金枝玉叶其实系杨枝金露改良版, 有芒果, 龙眼同埋西米露, 味道几浓, d芒果浆就几杰, 而芒果就甜酸参半, 龙眼就好清好甜, 而西米就几特别, 皆因 脆卜卜, 几好咬口, 唔会腍到烂咁, 几好; 红粉佳人就以士多啤梨为主打, 不过士多啤梨都几酸, 但系个心形啫喱就好甜同几烟韧, 加上西米露底够清够冰冻, 而西米又系脆卜卜, 好正呀!总括黎讲甜品质素都唔错, 环境一般, 服务尚可, 价钱可以接受! 食埋个送行甜品, 师傅就带住一伙好满足嘅心情离开, 应该会有一段时间唔会再黎呢区, 希望下次再黎印象同感觉依然会令人满意啦, 今次笑脸绝对值得一比!